Memlekettik basqarýda zamanaýı tehnologııalardy belsendi qoldaný qajet – Senat tóraǵasy
«Memlekettik basqarýda zamanaýı tehnologııalardy belsendi qoldaný qajettigi anyq. Tsırflandyrý, jasandy ıntellekt, Big Data adamdardyń suranystary men qajettilikterine jedel ún qatýǵa, sonymen qatar resýrstardy ońtaly ári utymdy paıdalanýǵa zor múmkindikter beredi. Al mundaı resýrs bizde kóp emes. Bul rette ózimizdiń jetistikterimiz, jańashyldyqtarymyz da bar. Sonymen qatar birqatar eldiń tájirıbesin jan-jaqty zerdeleý qajet. Menińshe, bul taqyryp konferentsııa barysynda talqylanatyn bolady», - dedi Senat tóraǵasy «Ashyq úkimet jáne basqarýdyń jańa mádenıeti: estý, túsiný jáne áreket etý» halyqaralyq ǵylymı-tájirıbelik konferentsııada.
Máýlen Áshimbaev elimiz úshin jańa formatsııadaǵy memlekettik qyzmetshilerdi daıyndaý mańyzdy mindet ekendigin basa aıtty.
«Búginde elge qundylyqtardyń durys júıesimen daıyndalǵan, bilimdi basqarýshylardyń jańa býyny qajet. Bul jaıynda Memleket basshysy birneshe ret aıtqan bolatyn. Prezıdentik kadrlyq rezerv quryldy jáne biz osy kadrlyq rezervten mańyzdy laýazymdarǵa keleshegi zor jastardyń ornalasqanyn kórip otyrmyz. Memleket qyzmetke bıznestiń, ǵylymnyń jáne ózge de salalardyń keleshegi zor mamandaryn shaqyrǵan jón», - dedi ol.
