Memlekettik basqarý organdary is-qaǵazdaryn saýatsyz aýdarady - A.Smaıyl

sp;ASTANA. Qarashanyń 24-i. QazAqparat /Arman Asqarov/ - Elimizdegi irgeli joǵary oqý oryndarynda «Aýdarma» fakýltetin ashý qajet. Oǵan daryndy ári osy salaǵa beıim jastar iriktelgen jón. Búgin Astanada bastalǵan «Til men ádebıetti oqytýdyń teorııasy men ádistemesindegi ınnovatsııalyq tehnologııalar: máseleler jáne damý joldary» taqyrybyndaǵy Halyqaralyq ǵylymı-tájirıbelik konferentsııada QR Parlamenti Májilisiniń depýtaty Aldan Smaıyl osyndaı usynys jasady,

 dep habarlaıdy QazAqparat.

«Sebebi qazirgi kezde memlekettik basqarý organdary is qaǵazdaryn saýatsyz aýdarady. Zańdar da solaı, jańyltpash oqyp otyrǵandaı bolasyń. Munyń sebebi - aýdarmashylardyń arnaıy daıyndyqtarynyń joqtyǵy. Ǵylymı-rýhanı, ekonomıkalyq-áleýmettik jáne basqa da salalarda termınder men ózgermeıtin uǵymdyq tirkester árqıly aýdarylady. Termınkom óz betinshe, mınıstrlikter óz aldyna. Al kórkem ádebıetti aýdarý arqyly qazaq ádebıetiniń injý-marjanyn shetelderge sol kúıinde jetkizý kúni búginge deıin arman bolyp keledi. Bul qıyndyqtardan shyǵýdyń jalǵyz joly - Eýrazııa ulttyq ýnıversıteti sııaqty bedeldi joǵary oqý oryndarynda «Aýdarma» fakýltetin ashý. Bul fakýltetke shet tilderde aýdarma jasaı alatyn daryndy jastar qabyldanýy kerek. Sebebi kórkem ádebıetti daryndy aqyn-jazýshylar ǵana kórkem tárjimalaı alady. Іs-qaǵazdaryn aýdarý úshin de osy salaǵa beıim jastar iriktelýi tıis. Biz bul máseleni dúrkin-dúrkin kóterip kelemiz. Biraq naqty sheshim joq. Atalǵan usynys búginde Úkimettiń qaraýynda. Qadirli til ǵalymdary, óz taraptaryńyzdan  qoldap, osynyń júzege asyrylýyna yqpal etýlerińizdi suraımyz», dedi Májilis depýtaty.