Memlekettik basqarý akademııasynda tsıfrlyq kovorkıng-ortalyǵy tanystyryldy
Tsıfrlyq kovorkıng-ortalyq – bul ІT-daǵdylardy, sondaı-aq yntymaqtastyq, sheshim qabyldaý, óz-ózin damytý, bastamashyldyq syndy quzirettilikterdi damytýdyń negizgi faktorlarynyń birine aınalatyn memlekettik qyzmetshiler kollaboratsııasyna arnalǵan biregeı platforma.
«Buǵan deıin «Tsıfrlyq Qazaqstan» memlekettik baǵdarlamasy aıasynda biz «Tsıfrlyq Akademııa» jobasyn júzege asyrýǵa bastama kótergenbiz. Onyń maqsaty Akademııany memlekettik qyzmetti kásibı damytýdyń zııatkerlik-tsıfrlyq platformasyna aınaldyrý edi. Qazirgi kezde joba tabysty júzege asyrylyp jatyr. Barlyq oqý zaldary men dárishanalar beınekonferentsbaılanys jasaý múmkindigi bar bir jerden basqarylatyn mýltımedııalyq júıelermen jabdyqtalǵan. Beıne jáne dybys jazý stýdııasy quryldy, olar da úlken grafıkalyq múmkindikteri bar qýatty dızaınerlik tehnıkamen jabdyqtalǵan. Bul qashyqtan oqytý tehnologııalaryn engizip, damytýǵa múmkindik berdi» - dedi Erlan Ábil.
Tsıfrlyq kovorkıngte shyǵarmashylyq áleýetterdi damytýǵa barlyq jaǵdaı jasalǵandyǵyn atap ótý qajet, onyń arqasynda memlekettik qyzmetshiler memlekettik organdardyń ishki qyzmetinde tsıfrlyq tehnologııalarǵa aýysý úrdisterin júzege asyrýǵa bastama kóterip, olardy basqara alady.
Іs-shara barysynda Akademııanyń kovorkıng-ortalyǵynyń alańdary tanystyryldy. Onyń aýmaǵynda Bıznes-alań, konferents-zal, freelance aımaǵy. Onda usb-slottar qosa ornatylǵan aqyldy transformer-ústelder, «Samsung Flip» aqyldy flıpcharty, arnaıy qurastyrylǵan «Sıtı menedjer» oıyny bar ınteraktıvti kıoskiler, sondaı-aq golografııalyq dáris zaly bar.
Mysaly, «Sıtı menedjer» ınteraktıvti qosymshasynyń arqasynda memlekettik qyzmetshiler qalalyq ortany josparlaý boıynsha túrli basqarýshylyq sheshimderdi shyǵara alady jáne qabyldanǵan sheshimderdiń túrli kórsetkishterge – qarjyǵa, azamattardyń kóńil-kúıine jáne demografııalyq jaǵdaıǵa qalaı áser etetindigin kóre alady.
Al golografııalyq dáris zalynda memlekettik qyzmetshilerdiń qazirgi kezeńniń saıası kóshbasshylarynyń sózderin, sondaı-aq memlekettik basqarý jáne memlekettik qyzmet salasyndaǵy qazaqstandyq jáne halyqaralyq sarapshylardyń dáristerin golografııalyq beınede translıatsııalaý múmkindigi bolady. Golografııalyq dáristerdiń birinshi kontenti uly aqyn Abaıdyń 175-jyldyǵyna arnalyp jasaldy.
Erlan Ábildiń aıtýynsha, kovorkıng-ortalyq boıynsha ıdeıa 2018 jyly pysyqtalǵan edi. ERG kompanııasynyń ókilderin osy ıdeıamen tanystyrǵannan keıin, olardyń qoldaýymen bul iske asa bastady. Ortalyqta sońǵy býyndy tehnologııalar ornatylǵan.
«Tsıfrlyq kovorkıng-ortalyq memlekettik organdardyń qyzmetin qarqyndy tsıfrlandyrýǵa yqpal etedi dep oılaımyz. Biz barlyq múddeli tulǵalarmen yntymaqtastyq ornatyp, bul alańdy jańa ıdeıalardy synaqtan ótkizý úshin usynýǵa qýanyshty bolamyz», - dep qorytyndylady rektor.
Tanystyrylymǵa QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev, Memlekettik basqarý akademııasynyń rektory Erlan Ábil, «ERG Komek» korporatıvtik qorynyń dırektory Bolat Orazov qatysty.
