Memlekettik basqarý akademııasynda «A» korpýsy ákimshilik memlekettik qyzmetshileriniń alǵashqy semınary ótip jatyr
ASTANA. 30 qyrkúıek. QazAqparat - QR Prezıdentiniń janyndaǵy Memlekettik basqarý akademııasynda búgin alǵash ret «A» korpýsy ákimshilik memlekettik qyzmetshileriniń biliktiligin arttyrý semınary bastaldy.
Oǵan ortalyq memlekettik organdardyń jaýapty hatshylary men apparat basshylary qatysýda. 2 qazanǵa deıin jalǵasatyn semınardyń maqsaty - kóshbasshylyq, jobalardy basqarý jáne memlekettik organdardaǵy aýdıt sııaqty modýlderdiń sheńberinde tyńdaýshylardyń bilimi men bilik-daǵdylaryn damytý.
Semınardyń ashylýynda QR Prezıdenti Ákimshiligi basshysynyń orynbasary Ǵabıdolla Ábdirahymov, QR Memlekettik qyzmet isteri agenttiginiń tóraǵasy Álıhan Baımenov Muhamedııauly, QR Prezıdentiniń janyndaǵy Memlekettik basqarý akademııasynyń rektory Bolatbek Ábdirasylov quttyqtaý sóz sóıledi.
Semınardyń baǵdarlamasy 3 modýldi qamtıdy: «Kóshbasshylyq», «Memlekettik organdardaǵy aýdıt» jáne «Jobalardy basqarý».
Semınardyń birinshi kúni tyńdaýshylardyń aldynda (GFR) Shpaıer Akademııasynyń doktory Djýlııa Fleısher baıandama jasady.
Ekinshi kúni «Policy Advisory Group» sarapshylary Djonatan Paýell (Ulybrıtanııa Úkimeti apparatynyń burynǵy jetekshisi), Rıchard MakKlelan, Ben Godvın, Daıana Beıtler «Jobalardy basqarý» trenıngin ótkizedi. Osy toptyń mamandary Tonı Blerdiń keńesshiler toby bolyp tabylady, olar birneshe jyl qatarynan Qazaqstanda jumys isteıdi.
Al qorytyndy, úshinshi kúni Frantsııa ENA-dan (Ulttyq memlekettik basqarý mektebi) Per Jevar myrza kóshbasshylyq boıynsha tıimdi basqarý daǵdylaryn damytýǵa nazar aýdartý arqyly trenıng júrgizedi, ol búgingi kúni asa ózekti.
Osy semınarǵa tartylǵan barlyq sarapshylar tıisti salalarda moıyndalǵan mamandar bolyp tabylady jáne shet memleketterde ártúrli jobalarmen jumys isteýden úlken tájirıbesi bar.
Semınar sońynda biliktiligin arttyrý kýrstaryn bitirý týraly sertıfıkat tapsyrylady.
