Memlekettik basqarý akademııasy otandyq bilim berýdiń sapasyn anyqtap kórmek

QR Prezıdenti janyndaǵy Memlekettik basqarý akademııasynyń professory Tóleýǵalı Bóribaevtyń aıtýynsha, áleýmettik zertteý kezinde «menedjment», «memlekettik jáne jergilikti basqarý» sııaqty mamandyqtarǵa negizgi basymdyq berilmek. «Eki aıdyń ishinde memlekettik jáne jeke menshik joǵary oqý oryndarynda oqıtyn stýdentter arasynda saýalnama júrgiziledi. Onyń aıasynda jastar tıisti anketalardy toltyrady. Onda «Bilim berý jumysyna qanaǵattanasyz ba?», «Oqytýshylardyń qyzmetin qalaı baǵalaısyz?», «Materıaldyq-tehnıkalyq baza oqý úderisine saı kele me?», «Ashananyń jaǵdaıy qandaı?», «Kitaphana qory jetkilikti me?», «Joǵary oqý ornynyń terrıtorııasy sanıtarlyq-gıgıenalyq talaptarǵa saı kele ma?», «zamanaýı kompıýterlik tehnologııalar qoldanyla ma?», «Interaktıvtik taqta bar ma?» sııaqty suraqtar bar. Saýalnamanyń qorytyndysy maýsymnyń aıaǵynda jarııalanady. Aıta keter jáıt, bul - taza ǵylymı jumys. Ol bilim berý júıesin ońtaılandyrýdy kózdemeıdi», - deıdi T.Bóribaev.