Memlekettik basqarý akademııasy oqytýǵa korporatıvtik basqarý tujyrymdaryn engizedi
ASTANA. QazAqparat - Búgin Memlekettik qyzmet isteri jáne sybaılas jemqorlyqqa qarsy is-qımyl agenttiginde ótken brıfıngte QR Prezıdenti janyndaǵy Memlekettik basqarý akademııasynyń rektory Fatıma Jaqypova men memlekettik qyzmetshilerdi qosymsha oqytý ınstıtýtynyń dırektory Gúlimjan Súleımenova memlekettik qyzmetshilerdi daıarlaý jáne qaıta oqytý júıesindegi jańalyqtar týraly habardar etti.
Bul júıedegi basymdyqtar tájirıbe júzinde oqytýǵa aýysady. ıAǵnı, tyńdaýshylar aldynda kúndelikti qyzmetindegi jaǵdaılar jasalyp, túıindi máselelerdi sheshý joldary usynylady. Bilim berýdiń jańa modelderi memlekettik qyzmete merıtokratııa, nátıjege jumys isteý, ashyqtyq pen qoǵamǵa esep berý qaǵıdalaryn qalyptastyrýǵa úlken sep bolady degen úmit zor.
«Memlekettik qyzmetshilerdi osy ýaqytqa deıingi oqytqan modeldiń qoǵamdaǵy ózgeristerge ýaqytyly áser etýge úlgermegendigin, sondyqtan da oqý úrdisine qatysýshylardy tolyq qanaǵattandyra almaǵandyǵyn moıyndaımyz. Oqytý kóbinese fragmenttik sıpatta ótti. Biz búgin de memlekettik qyzmetshilerdiń kásibı damýynyń tómen ýájdemelik deńgeıin, jumys berýshilerdiń qyzmetkerleriniń kásibı ósýine qyzyǵýshylyq tanytpaıtynyn baıqaımyz. Búgin memlekettik qyzmetshiler strategııalyq jáne bıýdjettik josparlaý menmenedjmentti, adamı resýrstardy basqarýdy, tildik jáne aqparattyq quzyrettilikterdi ıgerýi tıis», dedi Fatıma Jaqypova.
Jańa baǵdarlamalar burynǵylardan teorııalyq bilimnen praktıkalyq daǵdyǵa ótý boıynsha túbegeıli ózgeshe. Baǵdarlamalardyń mazmuny men pánderdiń tizimi halyqaralyq tájirıbege negizdelgen jáne memlekettik qyzmettiń qazirgi jáne keleshektegi qajettilikterin eskergen.
Tyńdaýshylarǵa qoıylatyn talaptar da ózgerdi. Bıyldan bastap akademııaǵa qabyldaný úshin talap etiletin joǵary bilim dıplomynyń ortasha baǵasyniń deńgeıi jáne qabyldaý emtıhandarynyń balldary somasy joǵarylady. Magıstratýra men doktorantýraǵa qabyldaý erejeleri qaıta qaralyp jatyr. Sonyń ishinde elektrondyq úkimet portaly arqyly qashyqtan qujat qabyldaý júıesi engilizedi.
Esse jazý, keısterdi sheshý jáne oqýǵa úmitkerlermen ıntervıý júrgizý tásilderi keńinen qoldanylmaq. Bul úmitkerlerdiń jeke qasıetterin anyqtaýǵa múmkindik beredi.
Akademııaǵa qyzmetke qabyldaý júıesi de ózgeredi. Konkýrstar men bos laýazymdar týraly habarlandyrýlar dástúrli BAQ-men qatar jumys izdeýshi kompanııalardyń Internet-paraqshalarynda, áleýmettik jelilerde ornalastyrylady.Konkýrstyq irikteýge syrttan qazaqstandyq jáne sheteldik sarapshylartartylady.Akademııanyń professorlyq-oqytýshy quramynyń sapasynyńń mańyzdylyǵyn eskere otyryp, kandıdattardy baǵalaýdyń jańasha baǵyttary qoldanylady. Mysaly, aldaǵy potentsıaly, burynǵy áleýetiniń baǵasy, jetistikteri, usynymhattar t.b. eskeriletin bolady.
Memlekettik qyzmetshilerdi qaıta daıarlaý men biliktilikti arttyrýǵa baılanysty tásilderi qaıta qaraldy.
Qazirgi tańda memlekettik qyzmetshilerdiń birqatary qaıta daıarlaý men biliktilikti arttyrý kýrstarynoblystyq ákimshilik apparattar janyndaǵy aımaqtyq oqý ortalyqtarynda ótedi.
Qaıta daıarlaý men biliktilikti arttyrý kýrstarynyń formatyn ózgertý jáne aldaǵy ýaqytta memlekettik qyzmetshilerdiń alǵan bilimin tájirbıe júzinde qoldanýyna monıtorıng júrgizý qarastyrylǵan.Memlekettik qyzmetshilerdi qaıta daıarlaý men biliktilikti arttyrý kýrstarynda kelesi suraqtar qarastyrylatyn bolady:
- Ózgeristerdi meńgerý: kóshbasshylyq jáne ıntegratsııa;
- Adam resýrstaryn strategııalyq basqarý;
- Basqarýdyń qoldanbaly mánisi;
- Іskerlik kommýnıkatsııalar jáne memlekettik qyzmetshilerdiń etıkasy jáne t.b.
Memlekettik qyzmet pen memlekettik basqarýdyń basym baǵyttarynda qoldanbaly zertteýdi uıymdastyrý boıynsha jumystar bastaldy.
Formaldy yntymaqtastyq túrinen sheginip, anyqtalǵan álemdegi aldynǵy qatarly oqý ortalyqtary bar naqty ınstıtýtsıonaldy yntymaqtastyqqa ótý arqyly halyqaralyq yntymaqtastyqtyń múmkindigi qarqyndy damý ústinde.
Jańa engizilim memlekettik basqarý organdary júıesinde júrgizilip jatqan ózgerister «Kásibı memlekettik apparat qurý» atty birinshi ınstıtýtsıonaldy reformanyń júzege asýyna saı keledi jáne memlekettik qyzmetshilerdiń motıvatsııasyn arttyryp, kásibı damýyna septigin tıgizedi.
