Memlekettik basqarý akademııasy magıstratýra men doktorantýraǵa qujat qabyldaýdy bastady
Akademııa rektory Erlan Ábildiń aıtýynsha, qujat qabyldaý 29 maýsymǵa deıin jalǵasady. Oǵan memlekettik qyzmetshiler, sondaı-aq kvazımemlekettik jáne jeke sektordan úmitkerler qatysa alady.
«Bıyl Úkimet magıstratýraǵa 120 grant jáne doktorantýra baǵdarlamasy boıynsha – 12 grant bólgen. 6 magıstrlik, 3 doktorlyq baǵdarlama boıynsha jáne óndiristen qol úzbeı oqýǵa bolatyn 2 modýldik baǵdarlama boıynsha úmitkerlerdi qabyldaımyz», - dedi rektor akademııada ótken baspasóz máslıhatynda.
Magıstratýra baǵdarlamalary:
– bir jyldyq kúndizgi oqý bólimi – «Memlekettik basqarý (MPA)», «Adamı resýrstardy basqarý (MHRM)», «Óńirlik damý» (MRD);
– Eki jyldyq kúndizgi bólim – «Memlekettik saıasat (MRR)», «Ekonomıka (ME)», «Halyqaralyq qatynastar (MIR)»;
– memlekettik qyzmetker emes úmitkerlerge arnalǵan bir jyldyq óndiristen qol úzbeı oqytylatyn baǵdarlamalar: «Memlekettik basqarý (EMPA)», «Óńirlik damý (MRD)».
Sondaı-aq oqý merzimi 3 jyldyq doktorantýra baǵdarlamalary: «Memlekettik basqarý (DPA)», «Halyqaralyq qatynastar (DIR)», «Ekonomıka (DE)».
«Memlekettik qyzmetshilerdi daıarlaýǵa Úkimetten magıstratýra boıynsha 120 grant, doktorantýra boıynsha 12 grant bólingen. Magıstrlik baǵdarlamalar boıynsha memlekettik tapsyryspen oqýǵa túsý úshin memlekettik qyzmette keminde 2 jyl eńbek ótili bolýy kerek jáne doktorlyq baǵdarlamalarǵa 5 jyldan kem emes jumys ótili qajet. Memlekettik grant boıynsha oqýǵa túsýshiler mindetti túrde memlekettik organnyń qoly qoıylǵan joldama usynýy kerek», - dep túsindirdi E. Ábil.
Sheteldik azamattardy qospaǵanda, barlyq bilim berý baǵdarlamalaryna túsýshilerde memlekettik tildi bilý deńgeıi V1 deńgeıinen tómen emestigin rastaıtyn QAZAQ RESMI TEST nemese Qaztest sertıfıkaty bolýy tıis.
Akademııada qazaq tilin bilý deńgeıin baǵalaıtyn QRT test dep atalatyn jeke júıe bar, onyń nátıjeleri Qaztest sııaqty akademııaǵa qujattardy tapsyrý kezinde qabyldanady. Sonymen qatar, Akademııa QRT testten ótkisi keletinder úshin arnaıy qazaq tili kýrstaryn ótkizedi.
Sondaı-aq «Halyqaralyq qatynastar – Master of International Relations» bilim berý baǵdarlamasyna oqýǵa túsýshiler úshin mynadaı talaptar qoıylady:
– úmitker QR Syrtqy ister mınıstrliginiń, ne halyqaralyq yntymaqtastyq máselelerimen baılanysty ortalyq memlekettik organdardyń qurylymdyq bólimsheleriniń jáne olardyń aýmaqtyq bólimsheleriniń, jergilikti atqarýshy organdardyń jumys istep júrgen, ıaǵnı is basyndaǵy memlekettik qyzmetshisi bolýǵa tıis;
– atalǵan Mınıstrlikte nemese kórsetilgen qurylymdyq bólimshelerde memlekettik qyzmette keminde eki jyl eńbek ótili bolýy qajet.
– aǵylshyn tilin biletindigin rastaıtyn sertıfıkat kórsetkishi IELTS keminde 4.0 ball, TOEFL IBT keminde 31 ball nemese TOEFL ITP keminde 310 ball, TOEIC keminde 120 ball bolýy kerek.
Doktorantýra baǵdarlamalary úshin:
- aǵylshyn tilin biletinin rastaıtyn sertıfıkat kórsetkishi IELTS keminde 5.5 ball, TOEFL IBT keminde 46 ball, TOEFL ITP keminde 433 ball nemese TOEIC keminde 550 ball bolýy tıis;
- research proposal – zertteý jumysy josparynyń jobasyn usyný qajet.
