Memlekettik bas sanıtar shekteý sharalary kúsheıtilýi tıis óńirlerdi atady

NUR-SULTAN. QazAqparat – Qazaqstannyń memlekettik bas sanıtarlyq dárigeri Aıjan Esmaǵambetova koronavırýs ınfektsııasy órship bara jatqan óńirlerdi atady, dep habarlaıdy QazAqparat tilshisi.

«Osy jyldyń 1 sáýirinde shyqqan meniń qaýlyma sáıkes memlekettik shekara arqyly ótetin avtoótkelder men temirjol ótkelderinde mindetti sanıtarlyq karantındik baqylaý engizilgen. Qaýlyǵa sáıkes mindetti túrde tekserý júrgizilip, júrgizýshilerden saýalnama men test alynýy tıis. Test teris nátıjeni kórsetse de ol adam úı karantınine jatqyzylýy kerek. Álbette test oń nátıje kórsetse olar aýrýhanaǵa jatqyzylady», - dedi Aıjan Esmaǵambetova OKQ-da ótken baspasóz máslıhatynda.

Sonymen qatar, Aıjan Esmaǵambetova Qyzylorda, Qaraǵandy, Túrkistan, Atyraý oblystarynda syrqattanýshylyqtyń joǵary ósimi tirkelgendikten atalǵan óńirlerge karantındik shekteý sharalaryn qatań saqtaý arqyly qosymsha shekteý sharalaryn engizý qajettigin atap ótti.