Memlekettik BAQ úshin KPI júıesi engiziledi - A. Jumaǵalıev
ASTANA. QazAqparat - Kontenttiń sapasy men tanymaldyǵy memlekettik BAQ-tardyń tıimdi jumysynyń negizgi kórsetkishi bolyp tabylady. Bul týraly Kazpravda.kz suhbatynda Baılanys jáne aqparat agenttiginiń tóraǵasy A. Jumaǵalıev aıtty.
«Biz memlekettik BAQ úshin KPI júıesin ázirledik, jyldyń aıaǵynda olardyń jumysyn baǵalap, onyń tıimdiligi boıynsha qorytyndy shyǵarýǵa bolady. Birinshi kezekte kontenttiń sapasy men tanymaldyǵyna nazar aýdaramyz», - dedi ol.
A. Jumaǵalıev vedomstvo josparymen bólisti. Onyń aıtýynsha, iske asyrýmen búginde agenttik aınalysatyn mindetterdiń kópshiligin Elbasy «Aqparattyq Qazaqstan-2020» baǵdarlamasynda alǵa qoıǵan.
«Bul otandyq BAQ-ty, onyń ishinde ınternet-resýrstardy jáne naryqty damytýdy yntalandyrýǵa baǵyttalǵan zańnamalyq normalardy memlekettik qoldaý sharalary jáne ǵalamtorǵa kóshý bóliginde baspa BAQ-ty qoldaý, memlekettik BAQ-tyń jelige qatysýyn ulǵaıtý», - dedi agenttik basshysy basymdyqtarǵa toqtalyp.
Sondaı-aq Astanada «Qazmedıa Ortalyǵy» jumystarynyń tujyrymdamasy qaıta qaralatyny belgili boldy.
«Ony barynsha keń aýqymdy etýdi josparlaýdamyz, onyń resýrsymen tek memlekettik telearnalar ǵana emes, sonymen birge ony naryqtyń basqa da qatysýshylarynyń paıdalanýyn qarastyrmaqpyz», - dedi A. Jumaǵalıev.
