Memlekettik baǵdarlamalar ıpotekany jandandyrdy
Maýsym aıynyń qorytyndysy boıynsha QR ekinshi dárejeli bankteriniń ıpotekalyq zaımdar somasy rekordtyq kórsetkish - 1,01 trln teńgeni qurady. Bul aldyńǵy aıdan 1,4% (nemese 14,1 mlrd teńgege) joǵary.
Ipotekalyq portfeldiń eń úlken ósimi, ıaǵnı +4,8 mlrd tenge elordada baıqalady. Osylaısha Astanadaǵy ıpotekalyq portfel 229 mlrd tengeni qurap otyr, bul respýblıka boıynsha kórsetkishtiń 22,7%-y. Sondaı-aq, ıpoteka kólemin arttyrǵan óńirlerdiń úzdik úshtigine qarjy ortalyǵy - Almaty (bir aıǵa +3,3 mlrd teńge, 301,4 mlrd teńgege deıin) jáne Aqtóbe oblysy (+855 mln tenge, 53,5 mlrd teńgege deıin) engen.
Ipoteka naryǵy 2014 jyldyń ortasynan ózgerissiz boldy jáne ótken jyldyń sońyna qaraı ǵana ósim kórsete bastady. Al aǵymdaǵy jyly ótken jylmen salystyrǵanda zaım kólemi birden 15,5 %-ǵa ósti. Oǵan 2017 jyly bastalǵan «Nurly jer» memlekettik baǵdarlamasy kóp áserin tıgizdi. Ipotekalyq naryqtyń jandanýy turǵyn úı naryǵynyń da belsendi jumys isteýine yqpal etti. 2017 jyldyń shilde aıynda qazaqstandyqtar 19,49 myń jyljymaıtyn múlik satyp alyp-satýdy júzege asyrdy, bul ótken jyldyń osy aıymen salystyrǵanda 26,1%-ǵa kóp.
Qazaqstandyqtar kópqabatty úıdegi páterlerge kóbirek qyzyǵýshylyq tanytyp otyr - bul jerde kelisim sany bir jyldan ekinshi jylǵa birden 34,8%-ǵa, 13,25 myńǵa ósti.
Jekemenshik úılerdegi kelisim sany jyl ishinde 14,1%-ǵa, 6,42 myńǵa ósti.
2014-2016 jyldary turǵyn úı naryǵy toqyraýda boldy.
Shilde aıynda Qazaqstandaǵy jańa úılerdiń sharshy metri orta eseppen 252,3 myń teńge boldy, ol maýsym aıyndaǵydan 1,3%-ǵa joǵary.
Ekinshi deńgeıli naryqta barlyǵy ózgerissiz qaldy, páterdiń sharshy metriniń baǵasy aldyńǵy aımen birdeı - 188,1 myń teńgeni qurady.
