Memlekettik baǵdarlama aıasynda 313 tirek-aýylǵa jan-jaqty qoldaý jasalady

ASTANA. 19 qarasha. QazAqparat - Búgin Astanada qala, aýdan men aýyl ákimderiniń qatysýymen ótken respýblıkalyq semınar-keńeste «Jumyspen qamtýdyń jol kartasy - 2020» baǵdarlamasy aıasynda tirek-aýyldardy damytý jobasy tanystyryldy.

QR Óńirlik damý vıtse-mınıstri Serik Jumanǵarınniń aıtýynsha, búginde respýblıka boıynsha naqty 313 tirek-aýyl anyqtaldy. «Jalpy, tirek-aýyl - bul ınjenerlik ınfraqurylymy damyǵan eldi meken. Ol bilim berý, densaýlyq saqtaý, qarjy jáne mádenı sharalar jaǵynan kórshi jatqan aýyldarǵa jan-jaqty qyzmet kórsetýi tıis. Qazirgi kezde ondaı aýyldar anyqtaldy», - deıdi S.Jumanǵarın. Osyǵan oraı, kelesi jyldan bastap elimizdegi 313 tirek-aýyldy damytý jumysy bastalady. Bıyldyń ózinde osy maqsatta 43 mlrd. teńge bólingen. Vıtse-mınıstr atap kórsetkendeı, atalǵan bastama aıasynda «Jumyspen qamtý - 2020» memlekettik baǵdarlamasynyń qoldaý sharalaryn jan-jaqty paıdalaný josparlanǵan.