Memlekettik baǵaly qaǵazdardy halyqaralyq jahandyq ındekske qosý jumysy júrgiziledi

NUR-SULTAN. QazAqparat - Memlekettik baǵaly qaǵazdardy damýshy elderdiń halyqaralyq jahandyq ındeksine qosý jumysy júrgiziledi. Bul týraly búgin Úkimet otyrysynda «Úkimet pen Ulttyq Bank arasyndaǵy 2019 jylǵa arnalǵan makroekonomıkalyq saıasat sharalaryn úılestirý týraly kelisim jóninde» baıandaǵan QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Ulttyq bank kiristiliktiń qysqa merzimdi aýytqýshylyǵyn qurýdy qamtamasyz etedi. Qarjy mınıstrliginen kiris aýytqýshylyǵynyń orta jáne uzaq merzimdi segmentterin qurý úshin óziniń baǵaly qaǵazdarynyń shyǵarylymdaryn qysqartýdy jáne irileýdi suraımyz»,- dedi E.Dosaev.

Onyń atap ótýinshe, memlekettik baǵaly qaǵazdardy damýshy elderdiń halyqaralyq jahandyq ındeksterine qosý boıynsha jumys júrgiziletin bolady.

«Bul sheteldik ınvestıtsııalardy tartýǵa jáne qaryz alý qunyn tómendetýge múmkindik beredi»,- dedi UB basshysy.