Memlekettik baǵaly qaǵazdar naryǵynda aıtarlyqtaı ózgerister bolǵan joq - Ulttyq bank tóraǵasy
ALMATY. 6 naýryz. QazAqparat - Aqpanda Qarjy mınıstrliginiń memlekettik baǵaly qaǵazdaryn ornalastyrý boıynsha 6 aýktsıony boldy. Bul týraly QR Ulttyq bank tóraǵasy Grıgorıı Marchenko búgin Almatyda ótken baspasóz máslıhatynda málimdedi.
Aýktsıondarda 12 aılyq MEKKAM (982 mln. teńge) 4 jyldyq MEOKAM (7,8 mlrd. teńge) jáne 7 jyldyq (6,6 mlrd. teńge), 8 jyldyq (12,3 mlrd. tenge), 15 jyldyq (13,9 mlrd. teńge) MEÝKAM-dar men 17 jyldyq MEÝJKAM (20 mlrd. teńge) ornalastyryldy. Tıimdi kiristilik MEKKAM boıynsha 2,04 paıyz, MEOKAM boıynsha 3,84 paıyz, MEÝKAM-da 7 jyldyqta 4,50 paıyz, 8 jyldyqta 5,30 paıyz, 15 jyldyqta 5,50 paıyz, al MEÝJKAM boıynsha ınflıatsııa deńgeıinen 0,01 paıyz boldy.
Grıgorıı Marchenkonyń aıtýynsha, Qarjy mınıstrliginiń aınalystaǵy baǵaly qaǵazdarynyń kólemi qańtarmen salystyrǵanda 2,2 paıyzǵa ulǵaıyp, 2167,3 mlrd. teńge boldy. Ulttyq banktiń nottar emıssııasynyń kólemi 37,6 paıyzǵa ulǵaıyp, 96 mlrd. teńgeni qurady. 3 aılyq nottardy ornalastyrý boıynsha 2 aýktsıon (26,4 jáne 33 mlrd. teńgelik) ótti. 6 aılyq nottardy ornalastyrý boıynsha 1 aýktsıon (15,2 mlrd teńge) jáne 9 aılyq nottardy ornalastyrý boıynsha 1 aktsıon «15,2 mlrd.teńge) boldy. Tıimdi kiristilik 3 aılyqta - 1,01 paıyz, 6 aılyqta - 1,51 paıyz, 9 aılyqta - 1,75 paıyzdy qurady. Aınalystaǵy nottar kólemi 6,5 paıyzǵa ulǵaıyp, 576,5 mlrd. teńgeni qurady.
