Memlekettik baǵaly qaǵazdar naryǵy 1,4 paıyzǵa ulǵaıdy
ALMATY. Sáýirdiń 7-ci. QazAqparat /Erlik Erjanuly/ - Naýryz aıynda Qarjy mınıstrliginiń memlekettik baǵaly qaǵazdaryn ornalastyrý boıynsha 4 aýktsıon ótti.
Bul jaıly búgin Ulttyq bank tóraǵasynyń Almatyda ótkizgen baspasóz máslıhatynda aıtyldy, dep habarlaıdy QazAqparat.
Aýktsıon kezinde 13 mıllıard teńgelik 12 aılyq MEKKAM, 15 mıllıard teńgelik 3 jyldyq MEOKAM, 12 mıllıard teńgelik 9 jyldyq MEÝKAM jáne 5 mıllıard teńgelik 12 jyldyq MEÝJKAM ornalastyryldy. Olardyń tıimdi kiristiligi: MEKKAM-da - 2,35 paıyz, MEOKAM-da - 3,63 paıyz, MEÝKAM-da - 6,50 paıyz, MEÝJKAM-da ınflıatsııa deńgeıinen 0,01 paıyz boldy. Ulttyq bank tóraǵasynyń aıtýynsha, sonyń nátıjesinde Qarjy mınıstrliginiń aınalystaǵy baǵaly qaǵazdarynyń kólemi naýryzda aqpanmen salystyrǵanda 1,4 paıyzǵa ulǵaıyp, 1372,7 mıllıard teńgeni qurady. Ótken aıda sondaı-aq Ulttyq bank notalarynyń eımıssııa kólemi aqpanmen salystyrǵanda 28,6 paıyzǵa azaıdy. Qysqa merzimdik notalardyń kiristiligi 1,72-den 1,55 paıyzǵa deıin tómendedi. Al aınalystaǵy notalardyń kólemi 16,9 paıyzǵa ulǵaıyp, 963,3 mıllıard teńge boldy.
