Memlekettik avıatsııa ortalyǵy Qazaqstannyń bolashaq ushqyshtaryn daıyndaýda - KKM
ASTANA. 28 qańtar. QazAqparat - Búgin Qazaqstan Respýblıkasynyń Kólik jáne kommýnıkatsııa mınıstri Ábilǵazy Qusaıynov pen QR Parlamentiniń senatory Muhtar Altynbaev Memlekettik avıatsııa ortalyǵynyń 25 túlegine áýesqoı-ushqysh kýáligin tapsyrdy,
dep habarlaıdy QR Kólik jáne kommýnıkatsııa mınıstrliginiń baspasóz qyzmeti.
Ushqysh kýálikterine ıe bolǵan orta mekteptiń joǵary synyp jáne kolledjdiń oqýshylary 9 aı boıy jeńil avıatsııanyń ushý apparattaryn basqarýdyń teorııasyn meńgerip, kem degende 40 saǵat, onyń ishinde 25 saǵat óz betimen ushyp úlgerdi.
Qazaqstan Respýblıkasy Kólik jáne kommýnıkatsııa mınıstrligi Azamattyq avıatsııa komıtetiniń «Memlekettik avıatsııalyq ortalyǵy» 2006 jylǵy qarashada quryldy.
Ortalyqty qurýdyń maqsaty - Qazaqstan Respýblıkasynyń azamattyq avıatsııasy men áýe qorǵanys kúshterine mamandardy ázirleýmen shuǵyldanatyn uıymdar úshin ushqyshtardy alǵashqy daıyndyqtan ótkizýdiń bazasyn qalyptastyrý edi.
Bul ortalyq dárigerlik-ushqyshtyq saraptamalyq komıssııanyń qorytyndysy boıynsha densaýlyǵy jaǵynan ushýǵa jaramdy dep tanylǵan 16-18 jas aralyǵyndaǵy jas ul-qyzdardy daıyndaıdy. Bilim berý tegin, bıýdjettik qarjy esebinen júzege asyrylady.
Daıyndyqtyń ózi eki kezeńnen turady: teorııalyq kýrs, ushý jáne óndiristik tájirıbeden ótý. Ortalyqtyń ushqysh-nusqaýshy jáne ınjener-tehnıktik quramy joǵary deńgeıli tájirıbeliligimen jáne biliktiligimen erekshelenedi. Áýe qorǵanys kúshteriniń zapastaǵy ofıtserleri, ushqyshtary men ınjenerleri óz bilimin keıingi urpaqqa úıretip, olardy otansúıgishtikke baýlıdy.
Tájirıbelik oqytý kýrsyn tolyqqandy júzege asyrý úshin Chehııada shyǵarylǵan eki oryndyq 8 «TL-2000» jáne «TL-3000» ushaqtary, olardy saqtap qyzmet kórsetetin angarlar, ushý-qoný alańy, oqý-tájirıbelik sheberhanalar men arnaıy avtomobıl tehnıkasy bar.
Mektep qabyrǵasynda júrgen jas jetkinshekterdi alǵashqy ushý daıyndyǵynan ótkizý azamattyq avıatsııa salasyndaǵy mańyzdy maqsattardyń biri - áýe mamandaryna degen qajettilikti qamtamasyz etý úshin kadr bazasyn qurýǵa kómektesedi.
