Memlekettik aýdıt 87 mlrd teńgeniń qarjylyq buzýshylyǵyn anyqtady - mınıstr

NUR-SULTAN. QazAqparat – QR Qarjy mınıstri Erulan Jamaýbaev bıylǵy memlekettik aýdıt nátıjesin aıtyp berdi, dep habarlaıdy QazAqparat tilshisi.

«Bıylǵy 5 aıda kameraldyq baqylaýmen 3,9 trln teńgege 448 myńnan astam memlekettik satyp alý rásimi qamtyldy. Tekserý qorytyndysyna sáıkes, 13 myń rásim boıynsha buzýshylyqtar anyqtaldy», - dedi Qarjy mınıstri búgingi Úkimet otyrysynda.

Mınıstrdiń aıtýynsha, memlekettik aýdıt nysandary buzýshylyqtardy joıý týraly 12,5 myń habarlamany oryndaǵan. 1 416 aýdıtorlyq is-shara ótkizildi. 840 mlrd teńge bıýdjet qarajaty aýdıtpen qamtylǵan.

«87 mlrd teńge somasyna qarjylyq buzýshylyqtar anyqtaldy. Taýarlardy jetkizý, qyzmetterdi kórsetý jáne jumystardy oryndaýdy qalpyna keltirý, bıýdjetke óteý jáne esepke alý jolymen 68 mlrd teńgege buzýshylyqtar joıyldy. Aýdıt nysandary qyzmetiniń tıimdiligin jetildirý jáne arttyrý úshin 1 227 usynym berildi», - deıdi E. Jamaýbaev.