Memlekettik aýdıt 4,5 mlrd teńgeni ıgerýde ketken kemshilikterdi anyqtady
«Bıylǵy 2 aıda 3,4 trln teńge somasyna 135,5 myńǵa jýyq memlekettik satyp alý rásimi kameraldyq baqylaýmen qamtyldy. Tekserý qorytyndysy boıynsha 13 943 rásimde buzýshylyqtar anyqtaldy, onyń ishinde memlekettik aýdıt obektileri buzýshylyqtardy joıý týraly habarlamalardyń 85%-in oryndady, 332 aýdıtorlyq is-shara ótkizildi», - dedi E. Jamaýbaev Úkimettiń búgingi otyrysynda.
Mınıstrdiń aıtýynsha, shamamen 169 mlrd teńge bıýdjet qarajaty aýdıtpen qamtylyp, 4,5 mlrd teńgege jýyq qarjylyq buzýshylyqtar anyqtalǵan.
«Taýar jetkizý, qyzmet kórsetý jáne jumysty oryndaý, bıýdjetke óteý jáne esepte kórsetý jolymen 1,2 mlrd teńgege buzýshylyqtar joıyldy. Aýdıt obektileri qyzmetin jetildirý jáne tıimdiligin arttyrý úshin 332 usynym berildi», - dedi Erulan Jamaýbaev.
Buǵan deıin Qarjy mınıstri qańtar-aqpan aılarynda memlekettik bıýdjetke 3,4 trln teńge túskenin, bıýdjettiń 101 mlrd teńgesi ıgerilmeı qalǵanyn aıtqan edi.
