Memlekettik aýdıt 3 mlrd teńgege jýyq qarjylyq buzýshylyqty anyqtady

ASTANA. QazAqparat – Jyl basynda shamamen 68 mlrd teńge bıýdjet qarajatyna aýdıt júrgizildi. Bul týraly QR Premer-Mınıstriniń orynbasary – Qarjy mınıstri Erulan Jamaýbaev aıtyp berdi, dep habarlaıdy QazAqparat tilshisi.

«2023 jylǵy qańtarda 1,3 trln teńgeden astam somaǵa 65 myńnan astam memlekettik satyp alý rásimi kameraldyq baqylaýmen qamtyldy. Tekserý qorytyndysy boıynsha 6 038 rásimde buzýshylyqtar anyqtaldy, onyń ishinde memlekettik aýdıt obektileri buzýshylyqtardy joıý týraly habarlamalardyń 73%-in oryndady», - dedi Erulan Jamaýbaev Úkimettiń búgingi otyrysynda.

Qarjy mınıstriniń aıtýynsha, 136 aýdıtorlyq is-shara ótkizildi. Shamamen 68 mlrd teńge bıýdjet qarajaty aýdıtpen qamtyldy.

«Sondaı-aq, 3 mlrd teńgege jýyq qarjylyq buzýshylyqtar anyqtalǵan. Taýar jetkizý, qyzmet kórsetý jáne jumystardy oryndaý, bıýdjetke óteý jáne esepte kórsetý jolymen 320 mln teńgege buzýshylyqtar joıyldy. Aýdıt obektileri qyzmetin jetildirý jáne tıimdiligin arttyrý úshin 131 usynym berildi», - dedi E. Jamaýbaev.

Aıta keteıik, qańtar aıynda memlekettik bıýdjetke 1,5 trln teńge túsken.

Bıýdjettiń 71 mlrd teńgesi ıgerilmeı qalǵan.