Memlekettik aýdıt 3,7 trln teńgeniń 304 mlrd teńgesinen qarjylyq buzýshylyq anyqtady

ASTANA. QazAqparat – QR Premer-Mınıstriniń orynbasary – Qarjy mınıstri Úkimet otyrysynda Erulan Jamaýbaev bıýdjetti ıgerýge júrgizilgen aýdıttiń qorytyndylary týraly málimet berdi, dep habarlaıdy QazAqparat tilshisi.

«Jyldyń 10 aıynda shamamen 10 trln teńge somasyna 475 myńnan astam memlekettik satyp alý rásimderi kameraldyq baqylaýmen qamtyldy.

Tekserý qorytyndylary boıynsha 32 957 rásim boıynsha buzýshylyqtar anyqtaldy, onyń ishinde memlekettik aýdıt obektileri buzýshylyqtardy joıý týraly habarlamalardyń 93% oryndady. 1 999 aýdıtorlyq is-shara ótkizildi», - dedi Erulan Jamaýbaev.

Aıtýynsha, aýdıtpen qamtylǵan 3,7 trln teńgeniń 304 mlrd teńgesinen qarjylyq buzýshylyqtar anyqtalǵan.

«Taýarlardy jetkizý, qyzmetterdi kórsetý jáne jumystardy oryndaý, bıýdjetke óteý jáne esepke alý jolymen 284 mlrd teńgege buzýshylyqtar joıyldy.

Aýdıt obektileri qyzmetin jetildirý jáne tıimdiligin arttyrý úshin 1 794 usynym berildi», - dedi mınıstr.