Memlekettik apparatty kásibılendirýge baǵytalǵan jospar qabyldandy - Q.Qojamjarov
ASTANA. QazAqparat - Búgin QR Memlekettik qyzmet isteri jáne sybaılas jemqorlyqqa qarsy is-qımyl agenttiginde onyń tóraǵasy Qaırat Qojamjarov pen Memlekettik qyzmet salasyndaǵy Basqarýshy Óńirlik habtyń basshysy Álıhan Báımenov ózara birlesken sharalar josparyna qol qoıdy.
Birlesken sharalardyń sıpaty men mazmuny agenttiktiń aǵymdaǵy jyldyń qańtar aıynda qabyldaǵan memlekettik qyzmetti damytý máselelerin sheshý boıynsha josparyna sáıkestendirilgen. Ol jospardyń basym baǵytynyń biri - memlekettik qyzmetkerdiń kásibı jáne jeke qasıetiniń profılin jasaý. Bul jumysty tıimdi iske asyrý úshin ǵylymı zertteýler ótkizý josparlanyp otyr.
Bıylǵy jyldyń mamyr aıynda VIII Astana ekonomıkalyq forýmynyń aıasynda agenttiktiń qamqorlyǵymen memlekettik qyzmette personaldy basqarý máselesine arnalǵan Jahandyq máslıhat ótedi. Qaırat Qojamjarovtyń aıtýynsha, halyqaralyq sarapshylarmen yqpaldastyq aımaqtaǵy qyzmetti jetildirip qana qoımaı, memlekettik apparatty kásibılendirýge baǵyttalǵan memlekettik qyzmet modelin damytýdaǵy óz tájirıbeńmen bólisýge jol ashady.
