Memlekettik apparat qoǵam qajettiligine jumylýy tıis – Aıgúl Shaıymova
«Prezıdenttiń bıýrokratııadan aryltý týraly Jarlyǵynda memlekettik apparat jumysynyń basymdyǵy forma emes mazmun bolýy tıistigi naqty aıqyndalǵan. Búginde memlekettik organdardyń kúndelikti jumysy operatsııalyq qyzmetterdiń aǵymdaǵy kúndelikti qaıtalattyn iske dittelgen. Ádette progrestiń joqtyǵyna bir ókilettikti júzege asyrý birneshe memlekettik organǵa júktelýi áser etedi. Olar bólek-bólek jumys isteıdi ári bir-birimen ózara is-qımyldyń keshendi is-sharalaryn ázirleýdi maqsat tutpaǵan. Máselen, eldi mekenniń ishin sýmen jabdyqtaýǵa ákimdikter, al aýylǵa ınfraqurylym tartýǵa ortalyq memlekettik organdar jaýaty. Soǵan oraı eger olar jumystaryn bir-birinen bólek josparlaıtyn bolsa, onda ákimdik óz jumysyn atqaryp, ortalyq memlekettik organ jumysyn aıaqtamaýy nemese kerisinshe bolýy múmkin. Qalaı desek te eldi meken sýsyz qalady», - dedi Aıgúl Shaıymova Ortalyq kommýnıkatsııalar qyzmetinde baspasóz máslıhatynda.
Onyń atap ótýinshe, mundaı jaıt turǵyndar tarapynan synǵa ushyrap jatady.
«Memlekettik apparat qoǵamnyń, bıznestiń problemasy men qajettiligine jumylýy tıis. Sheshimderdi jedel ári tıimdi qabyldap, olardy ómirge sátti engizýi qajet. Máseleniń is júzinde sheshilýin qamtamasyz etetin shynaıy nátıje memlekettik organdar qyzmeti tıimdiligin aıqyndaýshy krıterıı bolady», - dedi agenttik tóraǵasynyń orynbasary.
