Memlekettik anýıtet kompanııasy adam ómirin saqtandyrýshylardyń ishindegi úzdikteriniń biri
ASTANA. 23 mamyr. QazAqparat /Aıdar Ospanalıev/ - Bıylǵy jyldyń 1 mamyryndaǵy málimetter boıynsha, «Ómirdi saqtandyrý jónindegi «Memlekettik anýıtet kompanııasy» aktsıonerlik qoǵamynyń aktıvteri 10 mıllıard teńgege jetti.
Nátıjesinde aktsıonerlik qoǵam adam ómirin saqtandyrýshy kompanııalardyń arasynda aldyńǵy qatarda tur. Bul týraly búgin jýrnalıstermen bolǵan baspasóz-máslıhatynda «Ómirdi saqtandyrý jónindegi «Memlekettik anýıtet kompanııasy» aktsıonerlik qoǵamynyń basqarma tóraǵasy Nurjan Álımuhambetov málim etti.
Onyń sózine qaraǵanda, aktsıonerlik qoǵam mundaı jetistikterge óziniń strategııalyq maqsattardy naqty júzege asyra bilýiniń arqasynda qol jetkizip otyr. «Aktsıonerlik qoǵam saqtandyrýmen baılanysty tólemderdi ýaqytynda tóleıdi. Sonyń arqasynda klıentterdiń kompanııaǵa degen senimi de myǵym. 2010 jyly kompanııa azamattardyń ómirlerin saqtandyrýmen baılanysty tólemderdi ózge kompanııalardan áldeqaıda kóp tóledi. Mysaly bul tsıfr ótken jyly 3729 azamatqa 1,97 mıllıard teńge tóledi. Bul 2009 jylmen salystyrǵanda 280,3 paıyzǵa artyq»,-dedi Basqarma tóraǵasy.
Onyń sózine qaraǵanda, saqtandyrý tólemderin tóleýde aldyńǵylardyń biri bolý kompanııanyń saqtandyrý syıaqylarynyń ósýine yqpal etken. Mysaly 2010 jyly saqtandyrý syıaqylarynyń mólsheri 2009 jylmen salystyrǵanda, 6,3 mıllıard teńgege artqan. «Mundaı jetistikterge qol jetkizý bizge árıne ońaıǵa soqqan joq.
Ol úshin bizge saqtandyrý ónimderin jetildirý, kelisimder men saqtandyrý tólemderin rásimdeý sharalarynyń merzimin qysqartý, klıentterdiń paıdasyna jumys isteý sııaqty keshendi jumystar atqarý qajet boldy», -deıdi N.Álımuhambetov.
