Memlekettik áleýmettik járdemaqynyń kólemi ósti
ASTANA. 4 qańtar. QazAqparat 2013 jyldyń 1 qańtarynan bastap memlekettik áleýmettik járdemaqynyń kólemi ulǵaıdy. Bul týraly astana.kz saıty habarlaıdy.
Atap aıtqanda, Memlekettik zeınetaqy tóleý ortalyǵynyń Astana qalasy fılıalynyń málimetterine qaraǵanda, 1 toptaǵy múgedektiń járdemaqy kólemi 25 378 teńgeni ( 23 718 teńge boldy), 2 toptaǵy múgedektiń 19 780 teńgeni (18 486 teńge boldy), 3 toptaǵy múgedektiń jerdemaqysy 13 809 teńgeni (12 905 teńge boldy) quraıdy.
Al asyraýshysynan aıyrylǵandarǵa tólenetin járdemaqy: eńbekke qabiletsiz bir asyraýshyǵa - 12 316 teńge (11 510 teńge bolǵan), eńbekke qabiletsiz eki asyraýshyǵa 21 273 teńge (19 881 teńge bolǵan), eńbekke qabiletsiz úsh asyraýshyǵa 26 311 teńge (24 589 teńge bolǵan) kólemine jetti.
Balalary bar otbasyna járdemaqy kólemi de ulǵaıdy: bala týýyna baılanysty bir rettik járdemaqy 51 930 teńge ( 48 540 teńge bolǵan), tórt jáne odan da kóp bala dúnıege kelýine baılanysty beriletin bir rettik járdemaqy 86 550 teńge (80 900 teńge bolǵan), tuńǵysh balany baǵyp-kútkeni úshin aı saıynǵy járdemaqy 9 521 teńge (8 899 teńge bolǵan), ekinshi balany baǵyp-kútkeni úshin aı saıynǵy járdemaqy 11 252 teńge (10 517 teńge bolǵan), úshinshi balany baǵyp-kútkeni úshin aı saıynǵy járdemaqy 12 983 teńge (12 135 teńge bolǵan), tórt jáne odan da kóp balany baǵyp-kútkeni úshin aı saıynǵy járdemaqy 14 714 teńge (13 753 teńge bolǵan).
Budan bólek, anaǵa (ákege), bala asyrap alýshyǵa, qamqorlyǵyna alǵandarǵa (qamqorshyǵa), 16 jasqa deıingi múgedek-balany tárbıeleýshilerge - 18 666 teńge (17 439 teńge bolǵan ) járdemaqy tólenetin boldy.
