«Memlekettik áleýmettik tapsyrys týraly» QR Zańyndaǵy jańa ózgerister ÚEU-dyń tenderge qatysýy máselesin ońaılatady – A.Qyryqbaev

ASTANA. 17 sáýir. QazAqparat - Astana qalasynyń Ulttyq akademııalyq kitaphanasynda Mádenıet jáne aqparat mınıstri Darhan Myńbaıdyń tóraǵalyǵymen QR Úkimetiniń ÚEU-men ózara is-qımyly boıynsha úılestirý keńesiniń otyrysy bolyp ótti.

Otyrysqa sondaı-aq QR Prezıdenti Ákimshiliginiń, Premer-Mınıstr Keńsesiniń, áleýmettik blok mınıstrlikteriniń, sondaı-aq Qazaqstannyń ÚEU-nyń iri ókilderi qatysty. Jıyn barysynda Qazaqstanda 2006-2011 jyldary azamattyq qoǵamdy damytý tujrmdamasyn iske asyrý qorytyndylary, memlekettik áleýmettik tapsyrysty bul saladaǵy zańnamaǵa engizilgen ózgertýler men tolyqtyrýlar turǵysynan iske asyrý máseleleri, sondaı-aq memlekettik organdardyń azamattyq qoǵam ınstıtýttarymen ózara is-qımyly qarastyryldy.

«Memlekettik áleýmettik tapsyrys týraly» QR Zańnya sáıkes «memlekettik áleýmettik tapsyrysty jetkizýshilerdiń tizilimi» degen túsinik engizildi. Bul jań engizilgen ózgerister ÚEU-dyń memlekettik tapsyrys boıynsha tenderlerge qatysýyn ońaılatady», - dep atap ótti Mádenıet jáne aqparat vıtse-mınıstri Arman Qyryqbaev.

Úılestirý keńesiniń músheleri ÚEU-men ózara is-qımyl boıynsha keńes qyzmetin tártińpke keltirý jáne onyń tıimdiligin arttyrý maqsatynda jasalǵan ÚEU-men ózara is-qımyl jáne yntymaqtastyq boıynsha keńesiniń úlgi erejesin talqylady.

 Keńes músheleri maquldaǵan úlgi ereje memlekettik organdarǵa jumysta basshylyqqa alý  úshin jiberiledi. Budan basqa, otyrys barysynda úılestirý keńesiniń 2012-2013 jyldarǵa arnalǵan jumys jospary negizge alynyp, bekitildi.