«Memlekettik áleýmettik tapsyrys máseleleri jónindegi keıbir zańnamalyq aktilerge ózgertýler men tolyqtyrýlar engizý týraly» zań jobasyn ázirleý jónindegi jumys tobynyń birinshi otyrysy ótti
dep habarlady mınıstrlikten.
Jumys tobynyń quramyna Parlament depýtattary, múddeli memlekettik organdardyń ókilderi jáne kóptegen úkimettik emes uıymdardyń basshylary engizildi.
Otyrys barysynda Mádenıet jáne aqparat mınıstrliginiń jaýapty hatshysy Janna Qurmanǵalıeva komıssııa múshelerin memlekettik- áleýmettik tapsyrys júıesin jetildirý jónindegi mınıstrliktiń jumysymen tanystyrdy.
Naqtyraq aıtqanda, ÚEU úshin konkýrs ótinimin qamtamasyz etýdiń 1% jáne birqatar qujattardy notarıaldyq kýálandyrý talaby alynyp tastaldy, júzege asyrylatyn qyzmetke ÚEU mıssııasynyń sáıkes kelýi talaby engizildi, ÚEU konkýrstyq qujattaryn memlekettik tilde usynýy qamtamasyz etildi, saraptamalyq komıssııanyń quramy kúsheıtildi, etnomádenı ortalyqtarǵa arnalǵan trenıngter ótkizildi.
Osy jumystardyń arqasynda 2009 jyly 206 ÚEU 226 jobany júzege asyrdy
Bul jumystardyń shynaıylyǵyn, aıqyndyǵyn qamtamasyz etý maqsatynda monitoring.academy.kz. atty arnaıy saıt quryldy. Onda júzege asyrylyp jatqan jobalar týraly barlyq aqparat ornalastyrylǵan jáne bul aqparattarmen kez kelgen ınternet paıdalanýshysy tanysýyna bolady.
Osy jobanyń arqasynda MAM «ashyqtyǵy jáne transparentigi úshin» atalymy boıynsha «Tanym» qoǵamdyq respýblıkalyq júldesiniń laýreaty atandy.
Osylarmen qosa, 2005 jyly qabyldanǵan jáne deklaratıvtik mazmundaǵy tek 10 baptan turatyn «Memlekettik áleýmettik tapsyrys týraly» Zańyna ózgertýler engizýdi talap etetin mańyzdy problemalar jetkilikti.
Sonymen qatar, Qazaqstanda azamattyq qoǵamnyń belsendi damýy baıqalady. Búgingi tańda elimizde shamamen 18 myń ÚEU resmı tirkelgen.
Bul máselelerdi IV Azamattyq forýmynyń qatysýshylary da kótergen bolatyn.
Qazaqstan Respýblıkasynyń Memlekettik hatshysy Qanat Saýdabaev forýmda sóılegen sózinde, «memlekettik áleýmettik tapsyrysty júzege asyrýdyń barlyq ınstıtýttary men mehanızmderi «Memlekettik áleýmettik tapsyrys týraly» bir zańmen rettelýi tıis» - degen bolatyn. Shyndyǵynda, barlyq memlekettik organdar «Memlekettik satyp alý týraly» Zań negizinde konkýrstar ótkizý kezinde tómengi baǵa usynýshyny tańdaý qaǵıdasyn basshylyqqa alady.
Mınıstrlikke úsh jyldyq bıýdjetke ótýdi eskere otyryp, jobalardy uzaqmerzimdi qarjylandyrý múmkindigin qarastyrý, memlekettik áleýmettik tapsyrys quraldaryna eki ret salyq salýdy alyp tastaý, «áleýmettik jaýapty bıznes» túsinigin zańnamalyq turǵydan bekitý tapsyryldy.
Qazirgi ýaqytta mınıstrlik tarapynan «Memlekettik áleýmettik tapsyrys máseleleri jónindegi keıbir zań aktilerine ózgertýler men tolyqtyrýlar engizý týraly» zań jobasyn daıyndaý boıynsha Tujyrymdama ázirledi. Atalǵan Tujyrymdamany Janna Qurmanǵalıeva jumys tobynyń múshelerine tanystyrdy, sondaı-aq barlyq azamattyq qoǵam sektoryn zań jobasymen belsene jumys jasaýǵa shaqyrdy. Jaýapty hatshy bul jumystardy atqarýǵa barlyq jaǵdaılar jasalatyndyǵyn, Mádenıet jáne aqparat mınıstrliginiń www.mki.gov.kz saıtynda memlekettik áleýmettik tapsyrys týraly zań jobasy boıynsha usynystar men pikir almasý úshin arnaıy bólim ashylǵanyn eskertti. Saıtta jumys tobynyń quramy jáne onyń otyrystaryn ótkizý kestesi, sondaı-aq memlekettik áleýmettik tapsyrys týraly qoldanystaǵy zańnama men josparlanyp otyrǵan túzetýlerdiń tujyrymdamasy ornalastyrylǵan.
Jumys tobynyń otyrystary ashyq jáne aıyna bir retten jıi emes ótkiziledi. Oǵan barlyq múddeli tulǵalardyń qatysýyna jáne naqty usynystar engizýine múmkindigi bar.
Zań jobasyn Qazaqstan Respýblıkasynyń Parlamentine engizýdiń josparlanǵan merzimi - 2010 jylǵy qyrkúıek aıy.
