Memlekettik aqparattyq tapsyrystyń kólemi 2010-2011 jyldary ózgerissiz qalady - Mádenıet jáne aqparat vıtse-mınıstri
ALMATY. Qarashanyń 25-i. QazAqparat /Erlik Erjanuly/ - Bıyl aqparat quraldary Mádenıet jáne aqparat mınıstrliginiń jelisi boıynsha 1,1 mıllıard teńgeniń memlekettik aqparattyq tapsyrysyn aldy.
Bul búgin Almatyda ótip jatqan ІІ medıa quryltaıda aıtyldy, dep habarlaıdy QazAqparat.
«Memlekettik aqparattyq tapsyrysty taldaǵanda eń aldymen aqparat quraldarynan biz myna taqyrypty jaza alamyz degen usynystary jınalady. Sonyń negizde olar irikteledi. Máselen, «Gúlder» degen jýrnal Qazaqstanda gúl ósirýdi damytý taqyrybyn usynyp otyr. Mundaı máseleler de bizdiń nazarmyzdan tys qalmaıdy. Óıtkeni, bul aıdar sanaýly ǵana basylymda bar», deıdi Mádenıet jáne aqparat vıtse-mınıstri Ǵazız Telebaev. Onyń aıtýynsha, memlekettik saıasatty júrgizip otyrǵan mınıstrlik bolǵan soń olar tek aqparat quraldarynan ǵana emes keıde joǵarydan túsetin tapsyrystar boıynsha da jumys jasaıdy. Jalpy bıylǵy jyly Mádenıet jáne aqparat mınıstrligi júzden astam taqyryp boıynsha memlekettik aqparattyq tapsyrystarǵa qarjy bóldi. Aldaǵy ýaqytta olardyń sany endi aqparat keńistigin damytýǵa baılanysty birshama qysqarýy múmkin. Degenmen, onyń kólemi aldaǵy eki jyldyń ishinde ózgerissiz qalady. Sondaı-aq buǵan qatysty barlyq aqparat mınıstrliktiń saıtynda jarııalanyp otyratyn bolady.
