Memlekettik aqparattyq tapsyrys jeke aqparat quraldaryna emes, aqparattyq keńistikti damytýǵa baǵyttalýy kerek - II medıa quryltaıǵa qatysýshylar
Y. Qarashanyń 25-i. QazAqparat /Erlik Erjanuly/ - Qazaqstannyń aqparat keńistiginde sheteldik aqparat quraldarynyń úlesi basym.
Bul búgin Almatyda ótip jatqan ІІ medıa quryltaıda aıtyldy, dep habarlaıdy QazAqparat.
«Bul quryltaıda jeke-jeke aqparat quraldaryn emes, aqparattyq keńistikti damytý týraly oı aıtyldy. Men oǵan tolyǵymen qosylamyn. Jeke aqparat quraldaryn damytýda medıabıznestiń bir quraly retinde paıda taýyp otyrǵan adamdardy memleket taǵy qoldaýy kerek pe degen suraq týady. Aqparattyq keńistik turǵysynan alsaq, bul jerde mynadaı máseleler bar. Reseı aqparat quraldary basymdyq alyp, otandyq aqparat quraldary kenjelep qalǵandyqtan, búgingi tańda ony damytý óte kúrdeli másele bolyp otyr», deıdi Mádenıet jáne aqparat vıtse-mınıstri Ǵazız Telebaev. Onyń aıtýynsha, mınıstrlik tarapynan qazaq tildi aqparat quraldaryna qoldaý jasalady. Bul baǵyttaǵy jumysta jaqynda Astanada ótken aqparat quraldary ókilderimen bolǵan kezdesýde aıtylǵan usynys-tilekter eskerilýde. Qazirgi tańda olarǵa taldaý jasalyp jatyr. Onda endi búgingi alqaly jıynda aıtylǵan oılar men qabyldanatyn uıǵarymdar da talqylaý kezinde nazarǵa alynbaq.
