Memlekettik ákimshilik laýazymnan úmitkerlerdiń quqyǵyn buzǵandar jazaǵa tartyldy
QYZYLORDA. QazAqparat - Qyzylorda oblysynyń qoǵamdyq densaýlyqty saqtaý departamentinde memlekettik ákimshilik laýazymǵa ornalasý konkýrsyna qatysqan úmitkerlerdiń quqyqtary buzylǵan.
Soǵan oraı departament basshysynyń orynbasaryna, 2 bas mamanyna jáne Qyzylorda qalalyq qoǵamdyq densaýlyqty saqtaý basqarmasynyń basshysy aıyppul tóleýge májbúr boldy, dep habarlaıdy QazAqparat tilshisi.
Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentine Qyzylorda qalasynyń turǵyny memlekettik ákimshilik laýazymǵa ornalasý konkýrsynyń durys ótkizilmeı, quqyqtarynyń buzylǵandyǵy týraly aryzyn bildirgen. Túsken aryzǵa sáıkes Qyzylorda oblysynyń qoǵamdyq densaýlyqty saqtaý departamentiniń qyzmetine jospardan tys tekserý júrgizildi.
Tekserý barysynda, Qyzylorda oblysynyń qoǵamdyq densaýlyqty saqtaý departamenti tarapynan Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi Tóraǵasynyń 2017 jylǵy 21 aqpandaǵy №40 buıryǵymen bekitilgen «B» korpýsynyń memlekettik ákimshilik laýazymyna ornalasýǵa arnalǵan konkýrsty ótkizý qaǵıdalarynyń normalary saqtalmaǵandyǵy anyqtaldy.
Qyzylorda oblysynyń qoǵamdyq densaýlyqty saqtaý departamenti konkýrstyq rásimdi durys ótkizbeý saldarynan memlekettik qyzmetshileri arasyndaǵy ótkizilgen ishki konkýrsqa qujat tapsyrǵan úmitkerdiń konstıtýtsııalyq quqyqtarynyń buzylýyna jol berilgen.
Jospardan tys tekserý qorytyndysy Qyzylorda oblysynyń qoǵamdyq densaýlyqty saqtaý departamenti basshysynyń orynbasaryna, 2 bas mamanyna jáne Qyzylorda qalalyq qoǵamdyq densaýlyqty saqtaý basqarmanyń basshysyna qatysty ákimshilik quqyq buzýshylyq týraly hattamalar resimdelgen. Qyzylorda qalasynyń mamandandyrylǵan ákimshilik sotymen laýazymdy tulǵalar kináli dep tanyldy. Olar ákimshilik aıyppul tóledi.
Osyǵan deıin Qyzylorda oblysynda 6 aýyl ákimi jaýapqa tartylǵandyǵyn habarlaǵanbyz.
