Memleketten tegin úı áperem degen shymkenttik kelinshek 40 mln teńgeni qaltasyna basqan
Naqtyraq aıtsaq, Shymkent qalasy polıtsııa departamenti Abaı aýdandyq polıtsııa basqarmasyna jergilikti turǵyn aryzdanyp, alaıaqtarǵa aldanǵanyn jetkizedi.
Egde jastaǵy áıeldiń aıtýynsha, 3 naýryzda beıtanys kelinshek memleket tarapynan páter alyp beremin dep sendirgen. Ol 9 000 000 teńgeni qoldy qylyp, qazirgi ýaqytqa deıin aldap kelgen.
Atalǵan jaıt QR QK 190-baby boıynsha tirkeýge alyndy.
Dál osyndaı jaǵdaımen polıtsııaǵa taǵy birneshe turǵyn shaǵymdanyp, joǵarydaǵydaı alaıaqtyq arbaýyna túskenin jetkizgen.
Kelip túsken aqparattar aıasynda jedel izdestirý sharasyn júrgizgen Shymkent polıtseıleri kúdikti retinde jas kelinshekti ustady.
Bir jarym jyl ishinde Shymkent pen Túrkistan oblysynyń taǵy 39 turǵyny osy áıelge aldanǵan.
Olardyń keıbirine páterden bólek, bıznesin qoldaý úshin memleketten aqsha da ýáde etilgen.
Kelgen shyǵynnyń jalpy somasy 40 mıllıon teńgege jýyq. Qazirgi tańda tergeý amaldary júrgizilip, is sotqa joldandy.
Óz kezeginde Shymkent polıtseıleri alaıaqtyq nemese basqa da qylmystardyń aldyn alý úshin turǵyndarǵa qaýipsizdik sharalaryn saqtaýǵa keńes beredi.
Kez kelgen adamǵa senbeı, óziniń jeke málimetterine, qujattaryna saq bolý kerek.
