Memleketten qoldaý kórip otyrǵan kásipkerler óndiris kólemin ulǵaıtýy tıis — QR AShM
ASTANA. KAZINFORM – Aýyl sharýashylyǵy mınıstrligi Ósimdik sharýashylyǵy óniminiń ónimdiligi men sapasyn arttyrýdy sýbsıdııalaý Erejelerine ózgerister engizilgenin habarlady.
Ózgerister AÓK jalpy óniminiń kólemin aqshalaı túrde ulǵaıtýǵa baǵyttalǵan qarsy mindettemelerdi engizý jolymen aýyl sharýashylyǵyn sýbsıdııalaýdyń tıimdiligin aıqyndaýdy kózdeıdi.
«Bul óz ónimderiniń ónimdiligi men sapasyn arttyrý úshin sýbsıdııa alatyn aýylsharýashylyq ónimderin óndirýshiler endi óndiris kólemin ulǵaıtý jáne saqtaý boıynsha belgili bir mindettemelerdi oryndaýy kerek degendi bildiredi. Olardyń tıimdiligi óndirilgen ónimniń aqshalaı quny boıynsha baǵalanady», - delingen habarlamada.
Mindettemelerdiń oryndalýy týraly aqparat sýbsıdııalaýdyń memlekettik aqparattyq júıesinde tirkeletin bolady. Eger óndirýshi óz mindettemelerin eki jyl qatarynan oryndaı almasa, onda ol sýbsıdııa alý quqyǵynan aıyrylady.
Qarsy mindettemelerdi engizý aldynda pılottyq joba iske asyrylatyn bolady, onyń sheńberinde agroónerkásiptik keshen sýbektileri ósimdik sharýashylyǵy salasynda sýbsıdııalar alý úshin belgili bir talaptardy oryndaýǵa mindettenedi.
