Memleketten qoldaý kórgen kásipkerler qaıtarymyn jasaıdy dep úmittenemiz – Úkimet basshysy

ASTANA. QazAqparat – Premer-Mınıstr Álıhan Smaıylov Úkimet otyrysynda kásipkerlikti memleket tarapynan baqylaý júıesin avtomattandyrýdy jyldamdatýdy tapsyrdy, dep habarlaıdy QazAqparat tilshisi.

«Kásipkerlikti memlekettik baqylaý júıesin avtomattandyrý jumysyna erekshe nazar aýdarý kerek. Memlekettik organdar ony birinshi jartyjyldyqtyń sońyna deıin aıaqtaýy kerek», - dedi Úkimet basshysy.

Sondaı-aq, ol memlekettik qoldaýǵa ıe bolǵysy kelgen kásipkerlerdi irikteý rásimin ashyq júrgizýdi tapsyrdy.

«Ekonomıka jáne Qarjy mınıstrlikteri memlekettik qoldaýǵa ıe bolǵysy kelgenderdi irikteý rásimderin avtomattandyrýdy jalǵastyrýy qajet. Bul jumys ashyq ári tıimdi júrgizilýi tıis. Memlekettik qoldaýǵa ıe bolǵandar sonyń qaıtarymyn jasaıdy dep úmittenemiz. ıAǵnı, memlekettik qoldaý sharalary bıznestiń tabysyn ulǵaıtyp qana qoımaı, jańa jumys oryndaryn qurý jáne turaqty jalaqy máselesin de sheshýi kerek», - dedi Premer-Mınıstr.