Memleketten qarjylaı kómek suraýǵa quqyly bankterdiń tizimi qaıta qaralady

ASTANA. KAZINFORM – Qarjy naryǵyn retteý jáne damytý agenttigi tólem qabiletin joǵaltqan bankterdiń problemasyn retteýdiń úsh satyly tásilin engizbekshi. Agenttik basshysy Madına Ábilqasymova Almatydaǵy bank qyzmeti týraly zań jobasyn tanystyrýǵa arnalǵan dóńgelek ústelde osyndaı málimet aıtty.

- Qarjylyq jaǵdaıdyń nasharlaýynyń alǵashqy belgilerinde bank óziniń jumys josparyn qaıta qarap, «kúsheıtilgen qadaǵalaý» rejımine kóshedi. Odan jaǵdaıy ońalmasa, turaqtandyrý sharalaryn júginedi. ıAǵnı, «ornyqtylyqty qalpyna keltirý» rejımi iske qosylady. Budan da nátıje shyqpaı, bank tólemge qabiletsiz dep tanylsa, ýaqytsha basshylyq taǵaıyndalyp, «retteý» rejımine kóshedi, - dep túsindirdi Madına Ábilqasymova.

«Retteý» rejımine ótken bank júıelik mańyzǵa ıe bank bolsa, oǵan memlekettik qarajattan kómek bólinedi. Basqasha aıtsaq, qıyndyqqa ushyraǵan bank júıelik mańyzǵa ıe bank bolsa ǵana, memleketten qarjylaı kómek alýǵa haqyly degen sóz.

Buǵan deıin bankterge «ıslam terezesin» ashýǵa ruqsat beretin zań jobasy tamyzda Parlamentke túsetinin jazǵan edik.