Memleketimizdiń Egemendigi týraly deklaratsııanyń 35 jyldyǵy – asa mańyzdy tarıhı meje
ASTANA. KAZINFORM – Memleketimizdiń Egemendigi týraly deklaratsııanyń 35 jyldyǵy – elimiz úshin asa mańyzdy tarıhı meje. Bul - Prezıdent Qasym-Jomart Toqaevtyń paıymy.
«Kóptegen elderdiń tarıhyna qaraıtyn bolsaq, mundaı qujattar urpaqtan urpaqqa berilip, ǵasyrlar boıy saqtalady, azamattyq sana-sezimniń myzǵymas negizi retinde qyzmet etedi. Sondyqtan Egemendik týraly deklaratsııa, bul – memlekettigimizdiń berik arqaýy, halqymyzdyń jarqyn bolashaqqa umtylysynyń aıqyn kórinisi.
Egemendigimizdi jarııalaǵan alǵashqy kúnnen bastap memlekettiligimizdi bekemdep, halqymyzdyń ál-aýqatyn arttyrý jolynan aınyǵan emespiz. Bul – eń durys strategııa.
«Eńbek – berekeniń bastaýy» dep beker aıtylmaǵan. Biz adal, básekege qabiletti azamattarǵa árdaıym qurmet kórsetip, qoldaýymyz kerek. Jumysshy mamandaryn qadirleıtin qoǵam qurý mańyzdy», - dedi Memleket basshysy.
Aıta keteıik, jas kásipkerler, ǵalymdar, ınjenerler, IT-mamandar Qazaqstannyń jańa elıtasyn qalyptastyrýda.