Memleketke tán emes qyzmetter básekeles ortaǵa berilmek
Jalpy otyrysta «Qazaqstan Respýblıkasynyń keıbir zańnamalyq aktilerine ortalyq jáne jergilikti atqarýshy organdarynyń fýnktsııalaryn básekeles ortaǵa berý máseleleri boıynsha ózgerister men tolyqtyrýlar engizý týraly» zań jobasy eki oqylymda qaralyp, qabyldandy. Qujat «100 naqty qadam» Ult josparynyń 97- qadamyn iske asyrý úshin ázirlengen jáne memleketke tán emes fýnktsııalardy básekeles ortaǵa berýdiń quqyqtyq negizin qalyptastyrady.
«Qazirgi ýaqytta memlekettik organdar fýnktsııalaryn básekeles ortaǵa berýdiń aıqyn krıterııleri joq. Osyǵan baılanysty zań jobasynda mynalar aıqyndalady: fýnktsııalardy berý maqsattary, qaǵıdattary men tásilderi; fýnktsııalar sapasyz iske asyrylǵan jaǵdaıda, olardy qaıtarý tetigi; Úkimet, memlekettik organdar, «Atameken» ulttyq kásipkerler palatasy, fýnktsııalardy oryndaýshylar jáne Úkimet janynan qurylǵan Komıssııa ókilettikteri. Jekelegen fýnktsııalardy básekeles ortaǵa berýge tyıym salynatynyn atap ótý kerek. Bul ulttyq jáne aqparattyq qaýipsizdikti, qorǵanysty, qoǵamdyq tártip pen taǵy basqalaryn qorǵaýǵa baǵyttalǵan qyzmetter», - dedi Rýslan Dálenov.
Atap aıtqanda jobada fýnktsııalardy básekeles ortaǵa berýdiń tásilderi aıqyndalady. Bul fýnktsııalardy mindetti múshelikke negizdelgen ózin-ózi retteý, aýtsorsıng, memlekettik áleýmettik tapsyrys, memlekettik tapsyrma arqyly jáne fýnktsııalardy qoldanýshylar esebinen berý tásilderi.
«Jobaǵa sáıkes, fýnktsııalardy básekeles ortaǵa berý Komıssııanyń sheshimderi negizinde jyl saıyn júzege asyrylady. Budan basqa, jobada berilgen fýnktsııalardyń iske asyrylýyn monıtorıngileý rásimi engiziledi. Monıtorıng nátıjesi qanaǵattandyrmaǵan jaǵdaıda, Komıssııa júrgizilgen taldaý negizinde tıisti zańnamalyq ózgeristerdi qabyldaý jolymen fýnktsııalardy qaıtarý jóninde usynymdar ázirleıdi. Jalpy, osy rásimderdiń barlyǵy qoǵam úshin ashyq jáne aıqyn. Bul azamattyq qoǵam ókilderi men buqaralyq aqparat quraldaryn keńinen talqylaý úshin tartýǵa múmkindik beredi. Zań jobasy básekeles orta arqyly damýǵa jáne memlekettik organdar fýnktsııalarynyń sapasyn arttyrýǵa baǵyttalǵan», - dedi mınıstr.
