Memleketke syıǵa tartylǵan qymbat kólik qaıda ketti - Qarjy vıtse-mınıstriniń jaýaby

QR Qarjy vıtse-mınıstri Erjan Birjanov memleketke syıǵa tartylǵan Bentley Bentayga kóligi týraly málimetterdi jarııalady, dep habarlaıdy Kazinform.

«Basylym betterinen avtokólik satýǵa qatysty aqparatty kórdim. Avtokólik byltyr shildede kelisimshart arqyly 40 mln teńgege satylyp, qarjy memleket bıýdjetine tústi. Aıta keterligi, qymbat avtokólik eshqandaı memlekettik organǵa berilgen joq, ol aýktsıon arqyly satyldy jáne qarjy bıýdjetke ketti. Bul durys dep oılaımyn. Kim satyp alǵanyn aıta almaımyn», - dedi Erjan Birjanov Úkimet úıinde ótken baspasóz máslıhatynda.

Osyǵan deıin Protenge Telegram kanalynda 2017 jyly memleketke Bentley Bentayga kóligi syıǵa tartylǵany týraly materıal jarııalanǵan.