Memleketke keltirilgen zalal – 1,2 mlrd: qurylysqa baqylaý júrgizbegen kompanııa basshysyna izdeý jarııalandy
ASTANA.KAZINFORM - QMA Shyǵys Qazaqstan oblysy boıynsha departamenti 2020–2023 jyldar aralyǵynda ShQO men Abaı oblysynyń aýmaǵynda ornalasqan jeti áleýmettik mańyzy bar nysannyń qurylysyna tehnıkalyq qadaǵalaý júrgizgen «Vostok Injınırıng» JShS basshysyna qatysty tergeý amaldaryn júrgizip jatqanyn habarlady.
Kompanııanyń mindetine qurylys-montaj jumystarynyń kólemin, sapasyn jáne jobalyq-smetalyq qujattamaǵa sáıkestigin baqylaý, sondaı-aq dene shynyqtyrý-saýyqtyrý keshenderi, sýmen jabdyqtaý nysandary men jaǵalaýdy bekitý qurylystaryn salý kezinde naqty oryndalǵan jumystardy rastaý kirgen. Alaıda kórsetilgen qyzmetter úshin tólem alǵanyna qaramastan, qurylysqa tıisti baqylaý júrgizilmegen.
Kásiporyn basshysy oryndalǵan jumys kólemi týraly jalǵan málimet qamtylǵan aktilerge qol qoıyp otyrǵan. Tintý barysynda mór kóshirmeleri men jalǵan aktiler anyqtaldy. Memleketke keltirilgen zalal 1,2 mlrd teńgeden asty.
JShS basshysyna izdeý jarııalandy. Sottyń sanktsııasymen oǵan qatysty qamaýda ustaý túrindegi bultartpaý sharasy qoldanyldy.
Qazaqstan Respýblıkasy QPK-niń 201-babyna sáıkes ózge aqparat jarııa etilmeıdi.
Halyqaralyq izdeýdegi qazaqstandyq Túrkııada ustalyp, elge qaıtarylǵanyn jazǵan edik.
