Memleketke qaıtarylǵan 23 ken orny aýktsıonǵa shyǵarylady

ASTANA. KAZINFORM – Bıyl jazda otandyq 100-den astam ken orny aýktsıonǵa shyǵarylmaq. Bul týraly Ónerkásip jáne qurylys mınıstrligi Geologııa komıtetiniń tóraǵasy Erlan Aqbarov málim etti.

«Ótken jyly 74 jer qoınaýy ýchaskesi boıynsha 2 aýktsıon ótkizildi, nátıjesinde qol qoıý bonýsy shamamen 3,5 mlrd teńgeni qurady. Bıyl 30 maýsymǵa deıin qaıtarylǵan 23 jáne rezervtegi 83 ken ornyn aýktsıonǵa shyǵarý josparlanyp otyr. Aýktsıondar el aýmaǵynda óndiristi ortashadan tómen emes deńgeıde iske qosý jáne tólemderdi óńirlerdiń áleýmettik damý baǵytyna aýdarý mindettemeleri negizinde ótkiziledi», - dedi Erlan Aqbarov Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, komıtet basshysy Prezıdent 2026 jylǵa qaraı elimizdiń zerttelgen aýmaǵyn 2,2 mln sharshy shaqyrymǵa jetkizýdi tapsyrǵanyn tilge tıek etti.

Buǵan deıin Qazaqstanda geologııalyq zertteýlerge jylyna qansha qarjy bólinetini týraly habarlaǵan edik.

Aıta keteıik, Astanada zamanaýı geologııalyq qor qoımasy salynbaq.