Memleketke boryshker azamattar bolashaqta elimizdiń aýmaǵynan shyǵa almaýy múmkin

Bul másele jóninde búgin jýrnalıstermen bolǵan brıfıngte Ádilet mınıstrliginiń resmı ókili Erbolat Erimbet aıtty.

Onyń sózine qaraǵanda, qazirgi tańda quzyrly organdar tarapynan, atap aıqanda kóshi-qon úderisin retteý men shekara qyzmeti tarapynan memleketke qandaı da bir qaryzy bar azamattyń shet memleketterge shyǵýyna shekteý qoıý máselesi qarastyrylýda. «ıAǵnı bolashaqta sot aktilerin oryndamaǵan azamattar týraly málimetterdi avtomatty túrde jetkizip otyratyn aqparattyq júıe engiziletin bolady», - dedi resmı ókil.

Onyń aıtýynsha, ádilet salasynda atqarý óndirisi boıynsha boryshkerlerdiń respýblıkalyq tizilimi quryldy. Ol tizilim atqarý qujattary boıynsha boryshkerler týraly málimetterdi jarııa etý maqsatynda ázirlengen. Tizilim málimetteri mınıstrliktiń ınternet-resýrsynda ornalastyryldy. «Endi tıisti qaryzyn óteý merzimi aıaqtalǵannan keıingi úsh kúnnen soń boryshker azamattyń aty-jóni, tegi nemese boryshker uıymnyń aty qalyń kópshilikke jarııa bolady. «Qazirgi tańda atalmysh tizilimde 1 myń 54 boryshkerge qatysty málimetter jarııalanǵan», - dedi E.Erimbet.