Memleketke asa iri kólemde shyǵyn keltirgen «mıllıarder»-qylmysker raqymshylyqpen bosatyldy
ASTANA. 17 sáýir. QazAqparat - Kókshetaýda memleketke asa iri kólemde shyǵyn keltirgen «mıllıarder»-qylmysker raqymshylyqpen bostandyqqa shyqty.
Bul týraly «Ekspress K» gazetiniń (№67 (17425) ot 17.04.2012) «Urlaǵannan keıin mıllıardtap» maqalasynda jazylǵan.
Petropavl turǵyny Nıkolaı Goncharov 2005 jyly Kókshetaýda «Dılıjans-Plıýs» JShS-ny ashty. Tergeýdiń paıymy boıynsha, ol kásiporyndy qylmystyq pıǵylmen - salyq tóleýden jaltarý maqsatynda ashqan. Goncharov jalǵan jóneltpe-qujattar men shot-faktýralardy toltyryp, kommertsııalyq qurylymdarǵa jóneltip otyrǵan. Olar óz kezeginde, oǵan «aýa» úshin asa iri kólemdegi somalardy aýdaryp otyrǵan. Іs júzinde «Dılıjans-Plıýs» bir teńge de tappaǵan jáne eshkimge eshteńe jóneltpegen, kompanııa túsken qarjyny tek sheship alýmen aınalysqan. Kúmándi kelisimde bolǵandardyń qatarynda ondaǵan iri jáne ortasha kásiporyndar bar.
2011 jyly qarjy polıtsııasy Nıkolaı Goncharovty tutqyndady, al onyń sybaılasy qashyp úlgerdi. Kóp uzamaı býhgalterlik revızııa olardyń Jaýapkershiligi shekteýli seriktestigi memleketten úsh mıllıardqa jýyq teńgeni jasyrǵanyn anyqtady.
Іsti tergeý barysynda kúdikti «mıllıarder» jalǵan kásiporyndy uıymdastyrǵandyǵyn moıyndady. Alaıaqty temir tordyń ar jaǵyna toǵytýdyń ornyna, sýdıa ony raqymshylyqpen bosatty.
