Memleketke 9 mln. teńgeden astam zalal keltirgen alaıaq 6 jylǵa bas bostandyǵynan aıyryldy

Bul aqparatty QR Ekonomıkalyq qylmysqa jáne sybaılas jemqorlyqqa qarsy kúres agenttiginiń baspasóz qyzmetinen habarlady.

«Astana qalalyq ekonomıkalyq qylmysqa jáne sybaılas jemqorlyqqa qarsy kúres departamenti S.Mersadyqovqa qatysty qylmystyq isti tergeýdi aıaqtady. Ol aldaý jáne senimge qııanat jasaý arqyly ýákiletti organdardy jańylystyryp, jyljymaıtyn múlikke jalǵan zańdastyrý sheshimin jáne qurylys nysanyn paıdalanýǵa qabyldaý aktisin jalǵan jasap, jer ýchaskesin zańdastyryp, memleketke jalpy sommasy 9 mln. teńgeden astam zalal keltirgen», - delingen habarlamada.

Vedomstvonyń atap ótýinshe, Astana qalasynyń Almaty aýdandyq №2 sotynyń úkimimen S.Mersadyqov QR QK 177-baby 3-bóliginiń «b» tarmaǵy (alaıaqtyq), 325-babynyń 2-bóligi (jalǵan qujattardy, mórtańbalardy, mórlerdi, mórqaǵazdardy qoldan jasaý, daıyndaý nemese ótkizý) boıynsha kináli dep tanylyp, múlki tárkilenip, 6 jylǵa bas bostandyǵynan aıyryldy.