Memleketke 265 mln teńgeden astam shyǵyn keltirgen top ustaldy
QMA Qaraǵandy oblysy boıynsha departamenti Amangeldi Qýanysh esimdi uıymdastyrýshysy bar bir topqa qatysty sotqa deıingi tergeýdi aıaqtady. Olar jumystardy is júzinde oryndaýsyz, qyzmet kórsetýsiz jáne taýarlardy tıep-jóneltpeı jalǵan shot-faktýralar shyǵarýmen aınalysqan.
«Tergeý barysynda Amangeldi Qýanysh 2017 jyldan bastap 2019 jylǵa deıingi kezeńde úsh seriktesimen aldyn-ala kelisim boıynsha qylmysqa barǵany anyqtaldy. Ol paıda alý maqsatynda 265 mıllıon teńgeden astam mólsherde memleketke zalal keltirilgen, ıaǵnı salyq salynýy tıis aınalymdy jasandy túrde arttyrý úshin baqylaýdaǵy tulǵalar atyna 29 kásiporyn satyp alyp, tirkedi», - dep jazdy vedomstvodan.
Sot úkimimen Amangeldi Qýanysh, Fýrınets Dmıtrıı, Zınchenko Sergeı jáne Amangeldi Aıdos qylmys jasaǵandary úshin kináli dep tanylyp, qylmystyq-atqarý júıesi mekemesinde jazasyn óteýmen 2 jyldan 2,5 jylǵa deıingi merzimge bas bostandyqtarynan aıyryldy.