Memleketke 17232 jer telimi qaıtaryldy - B.Jámishev
ASTANA. 19 qarasha. QazAqparat - Jeke turǵyn úı qurylysyna berilgen jer telimderiniń jalpy kólemi 379 myńdy qurady. Bul týraly búgin Úkimet otyrysynda Óńirlik damý mınıstri Bolat Jámishev málim etti.
«Jeke turǵyn úı qurylysyna berilgen jer telimderiniń jalpy kólemi 379 myń ýchaskeni qurady. Onyń ishinde 305 myń ýchaske túgendeýden ótti. 2012 jyly júrgizilgen túgendeýdiń nátıjesi boıynsha jeke turǵyn úı qurylysyna usynylǵan jer telimderiniń ishinen 44031 paıdalanylmaǵan jer ýchaskesi anyqtaldy»,-dedi mınıstr. Onyń sózine qaraǵanda, memlekettik menshikke 1750 gektar aýmaqty qamtyǵan 17232 jer ýchaskesi qaıtaryldy.
