Memleketke 1,3 mlrd teńge zalal keltirgen kúdikti Grýzııadan ekstradıtsııalandy
ASTANA. KAZINFORM — Memleketke mıllıard teńgeden astam shyǵyn keltirgeni úshin izdeýde júrgen Grýzııadan ekstradıtsııalandy. Bul týraly bas prokýratýra habarlady.
Bas prokýratýra men Qarjy monıtorıngi agenttiginiń qyzmetkerleri ekonomıkalyq qyzmet salasynda aýyr qylmys jasaǵany úshin qylmystyq jaýaptylyqqa tartý maqsatynda Qazaqstan azamatyn Grýzııadan ekstradıtsııalady.
Kúdikti 2023-2024 jyldary Almatyda kommertsııalyq qurylymdy basqara otyryp, adamdar tobynyń aldyn ala sóz baılasýy arqyly is júzinde jumystardy oryndamaı jalǵan shot-faktýralardy jazý shemasyn uıymdastyrǵan.
Zańsyz áreket saldarynan memleketke shamamen 1,3 mlrd teńge kóleminde salyq tólemegen.
Qylmys jasaǵannan keıin kúdikti jasyrynyp, oǵan halyqaralyq izdeý jarııalanǵan.
2025 jyldyń qyrkúıeginde ol Grýzııada ustalyp, Qazaqstan Respýblıkasy Bas prokýratýrasynyń suraýy boıynsha otanyna ekstradıtsııalandy.
Qazir kúdikti ýaqytsha ustaý ızolıatoryna qamaldy.
Aıyptalǵan qylmysty jasaǵany úshin múlki tárkilenip, 7 jylǵa deıingi merzimge bas bostandyǵynan aıyrý jazasy qarastyrylǵan.
Aıta keteıik, 2025 jyldyń sáýir aıynda atalǵan qylmysqa sybaılas bas bostandyǵynan aıyrýǵa sottalǵan bolatyn.
Sonymen qatar 5 jyl boıy izdeýde júrgen: adam aǵzasyn saýdalaǵan kúdikti Polshadan ekstradıtsııalanǵan edi.