Memleketik qyzmet isteri agenttigi «qyzmettik kýálikterdiń» ornyna ID-kartalar engizýde
ASTANA. QazAqparat - QR Memlekettik qyzmet isteri jáne sybaılas jemqorlyqqar qarsy is-qımyl agenttigi barlyq qyzmetkerler úshin pılottyq tártipte eskirgen «qyzmettik kýálikterdiń» ornyna arnaıy ID-kartalar engizýde, dep habarlaıdy QazAqparat agenttiktiń baspasóz qyzmetine silteme jasap.
Qańtar aıynyń sońynda ótken Alqa otyrysynda Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy memlekettik qyzmetkerlerge ID-kartalardy mindetti túrde engizý qajettiligi týraly atap ótken bolatyn.
«Jahandyq ózgeristerge ený úshin, kúndelikti ádetterdi ózgertýimiz qajet. Bizdiń alǵashqy qadamymyz bolyp, qajetti maqsatta qoldanylmaıtyn jáne eskirgen ádettegi «qyzmettik kýálikterden» bas tartý bolyp tabylady. Olar birneshe fýnktsııalardan turatyn zamanaýı ID-kartalarymen almastyrylady»,- dep málimdedi.
Mundaı kartalardy paıdalaný fýnktsıonaldyq mindetterdiń keıbirin tıimdi oryndaýǵa múmkindik beredi (derekterdi saqtaý, obektiler men ǵımarattarǵa erkin kirý jáne t.b.), sondaı-aq memlekettik organnyń jáne memlekettik qyzmetshiniń erekshe qyzmet mádenıetin kórsetedi.
Bul jaǵdaıda qyzmettik ǵımarattarǵa kirý úshin qoldanystaǵy qyzmettik kýálikter men magnıttik kartalardyń ornyna ID-kartalardy engizý usynylady. Engizý arqyly qyzmettik kýálikterdi teris paıdalaný, sybaılas jemqorlyq táýekelderin barynsha azaıtý, sondaı-aq bıýdjet shyǵyndaryn ońtaılandyrý josparlanǵan.
Qazaqstanda mundaı kartalardy paıdalaný memlekettik qyzmetshilerdiń tártibin nyǵaıtyp, melekettik qyzmet sapasyn arttyrady.
Atalmysh ID-kartalardy paıdalaný tájirıbesi AQSh, Ulybrıtanııa, Fılıppın, Sıngapýr jáne Úndistan sııaqty elderde qoldanylýda.
Búgingi kúni ID-kartalar agenttiktiń barlyq qyzmetkerler úshin pılottyq tártipte engizildi.
Tájirıbe oń nátıje bergen jaǵdaıda, ID-kartalarmen aldaǵy ýaqytta barlyq memlekettik organdardyń qyzmetkerleri qamtamasyz etiledi.
