Memleketaralyq izdeýdegi qandyqol qylmysker sulýlyq salonynda ustaldy
ASTANA. Qańtardyń 13-i. QazAqparat /Arman Asqarov/ - Almatydaǵy páterlerdiń birinde kámeletke tolmaǵan eki jasóspirimdi óltirgen ózbekstandyq Barno-oı Abdýllaeva Tashkenttegi sulýlyq salonynda ustaldy.
Bul týraly búgin ótken aptalyq brıfıng barysynda QR ІІM Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Onyń aqparaty boıynsha qandyqol qylmysker Abdýllaeva jeltoqsannyń 4-i kúni Almaty qalasynyń «Dorojnık» shaǵyn aýdanyndaǵy páterde óziniń jerlesterine qatysty, ıaǵnı eki kámeletke tolmaǵandardy óltirgeni jáne áıel adam men kishkentaı qyzǵa pyshaq jaraqatyn salyp, asa aýyr qylmys jasaǵany úshin kúdikti retinde memleketaralyq izdestirýge jarııalanǵan bolatyn. «Almaty qalasy ІІD-niń krımınaldyq polıtsııa qyzmetkerleri jáne Tashkent qalasynyń quqyq qorǵaýshylary ony Tashkent qalasyndaǵy sulýlyq salondarynyń birinde ustady. Qazirgi kezde Abdýllaevany odan ári qylmystyq qýdalaý máselesi sheshilýde», - deıdi Q.Jumanov
