Memleketaralyq izdeýde júrgen shymkenttik alaıaq Aqmola oblysynda qolǵa tústi
KÓKShETAÝ.QazAqparat - Memleketaralyq izdeýde júrgen shymkenttik alaıaq Aqmola oblysynyń aýmaǵynda qolǵa tústi, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, ótken jyly tártip saqshylary 80-nen astam qylmyskerdi ustady, onyń ishinde 13 adam birneshe jyl izdeýde júrgen.
«Qańtardyń 26-da Jaqsy aýdandyq PB krımınaldyq polıtsııa bólimine aýdan aýmaǵynda halyqaralyq izdeýdegi qylmyskerlerdiń júrgeni týraly habar tústi. Jedel izdestirý sharasy barysynda polıtsııa qyzmetkerleri er adamdy Jaqsy aýylynda anyqtap, ustady», - dedi vedomstvodan.
Anyqtalǵandaı, er adamǵa alaıaqtyq úshin ótken jyly Shymkent qalasynyń ál-Farabı aýdandyq soty izdeý jarııalaǵan.
«Er adam aýdandyq aýrýhanada árileý jumystarymen aınalysyp júrgende ustaldy. Qazir ol Jaqsy aýdandyq PB ýaqytsha ustaý oqshaýlaǵyshyna qamaldy», - dep tolyqtyrdy vedomstvodan.
