Memleketaralyq izdeýde júrgen reseılik Kókshetaýda ustaldy
KÓKShETAÝ. QazAqparat - Memleketaralyq izdeýde júrgen Reseı Federatsııasynyń azamaty Kókshetaý qalasynda qolǵa tústi, dep habarlaıdy QazAqparat tilshisi Aqmola oblysynyń ІІD baspasóz qyzmetine silteme jasap.
Polıtseılerdiń deregi boıynsha reseılik azamat óz elinde birqatar urlyq jasaǵany úshin isti bolyp, izdeýde júrgen.
"Shetel azamaty "Nelegal" jedel aldyn alý sharasy kezinde Kókshetaý qalasynda qolǵa tústi. Oǵan Reseı Federatsııasynyń aýmaǵynda 5 ret qylmys jasaǵany úshin Belgorod oblysynyń quqyq qorǵaý organdary izdeý jarııalaǵan. Bastapqyda ózin ózge adam retinde tanystyrǵan ony polıtseıler daktıloskopııalyq saraptama arqyly 1988 jylǵy memleketaralyq izdeýde júrgen qylmysker ekenin anyqtady.
Kúdiktiniń aǵymdaǵy jyldyń naýryz aıynda Qazaqstan aýmaǵyna zańsyz kirgeni jəne buryndary sotty bolǵany belgili boldy. Qazirgi kezde, ustalǵan er adamdy Reseıdiń quqyq qorǵaý organdaryna tapsyrý məselesi qarastyrylýda", dep kórsetilgen habarlamada.
Eske sala keteıik, bıylǵy jyldyń basynan beri Aqmola oblysynyń polıtseıleri 41 qylmyskerdi qolǵa túsirdi.
