Memleketaralyq izdeýde júrgen qylmysker ustaldy
KÓKShETAÝ. QazAqparat - Aqmola oblysy aýmaǵynda memleketaralyq izdeýde júrgen qylmysker ustaldy, dep habarlaıdy QazAqparat tilshisi ІІD baspasóz qyzmetine silteme jasap.
Polıtseılerdiń deregi boıynsha, 2 qazanda «Іzdeý» jedel aldyn alý sharasy barysynda Atbasar aýdanyndaǵy aýyldardyń birinde 41 jastaǵy er adam ustaldy.
«Er adamǵa Sheshenstan Respýblıkasynyń ІІM QІB (qylmystyq ister basqarmasy) esirtki zattaryn óndirip, saýdalaǵany jáne jóneltkeni úshin aǵymdaǵy jyldyń sáýir aıynda memleketaralyq izdeý jarııalaǵan.
Sonymen qatar, «Іzdeý» jedel aldyn alý sharasy barysynda Astana qalalyq ІІD qyzmetkerleri urlyq jáne alaıaqtyǵy úshin izdestirip júrgen eki qylmyskerdi qolǵa túsirdi.
Jalpy, jyl basynan beri Aqmola oblysy aýmaǵynda 74 qylmysker ustalsa, iz-túzsiz joǵalǵan 58 adamnyń júrgeni jeri anyqtaldy», dep kórsetilgen habarlamada.
