Memleketaralyq izdeýde júrgen qylmysker Qosshydan ustaldy
NUR-SULTAN. QazAqparat – Elorda irgesindegi Qosshy qalasynda memleketaralyq izdeýde júrgen azamat ustaldy. Bul týraly QR Іshki ister mınıstriniń orynbasary Sáken Sársenov málim etti, dep habarlaıdy QazAqparat tilshisi.
«Elorda irgesinde ornalasqan Qosshy qalasynda beınebaqylaýdyń kómegimen memleketaralyq izdeýde júrgen azamat ustaldy. 61 jastaǵy Qosshy turǵyny jeke zattary men 338 myń teńge kóleminde aqshasynyń qoldy bolǵanyn polıtsııaǵa habarlaǵan bolatyn. Tártip saqshylary beınebaqylaýdyń kómegimen kúdikti 2 azamatty ustady. Keıin belgili bolǵandaı, 32 jáne 34 jastaǵy eki azamattyń biri buryn isti bolǵany, al ekinshi kúdikti qylmystyq topty uıymdastyrýǵa jetekshilik etkeni úshin memleketaralyq izdeýde júrgeni anyqtaldy. Olar elordada jaldamaly páterde turǵan», - dedi Sáken Sársenov ortalyq kommýnıkatsııalar qyzmetinde ótken baspasóz máslıhatynda.
