Memleketaralyq izdeýde júrgen qylmysker Kókshetaýdan tabyldy
KÓKShETAÝ. QazAqparat- Memleketaralyq izdeýde júrgen SQO oblysynyń 44 jastaǵy turǵyny Kókshetaýda ustaldy, dep habarlaıdy QazAqparat tilshisi Aqmola oblysynyń PD baspasóz qyzmetine silteme jasap.
Vedomstvonyń málimetinshe, óńir polıtseıleri saıajaılar aýmaǵynda júrgen turaqty mekenjaıy joq tulǵalardy anyqtaýda.
2019 jyldyń 1 sáýirinen bastap qolǵa alynǵan «Ýchastok» jedel aldyn alý sharasy barysynda 2 myńnan astam saıajaı úıi tekserildi.
«Reıd kezinde jergilikti polıtsııa qyzmetiniń qyzmetkerleri Kókshetaý qalalyq PB qabyldaý ornyna Zerendi baǵytyndaǵy tas joldyń boıynda ornalasqan saıajaıdan 44 jastaǵy Soltústik Qazaqstan oblysynyń týmasyn jetkizdi. Tekseris kezinde er adamnyń memleketaralyq izdeýde júrgeni anyqtaldy», - dep málim etti PD baspasóz qyzmetindegiler.
Jalpy, «Ýchastok» jedel aldyn alý sharasy qolǵa alynǵan 12 kúnniń ishinde saıajaı aýmaǵynan turǵylyqty mekenjaıy joq 28 adam anyqtalsa, onyń 12-si Kókshetaý qalalyq PB qabyldaý ornyna jaıǵastyryldy.
«Qazir Kókshetaý qalasy aýmaǵynda 30-dan astam saıajaı massıvi bar bolsa, munda 19 760 úı ornalasqan. Onda 280 adam (onyń 65-i - bala) turaqty turyp jatyr», - dep tolyqtyrdy vedomstvodan.
